തിരുവനന്തപുരം: വാമനപുരം കണിച്ചോട് ഒരു വയസുള്ള പെൺകുഞ്ഞിനെ വീടിനുള്ളിൽ മരിച്ച നിലയിൽ കണ്ടെത്തി. കണിച്ചോട് സ്വദേശികളായ സുഭാഷ് - അശ്വതി ദമ്പതികളുടെ മകൾ പവിത്രയാണ് മരിച്ചത്. മരണത്തിൽ ദുരൂഹതയുണ്ടെന്ന സംശയത്തെത്തുടർന്ന് വെഞ്ഞാറമൂട് പൊലിസ് അന്വേഷണം ആരംഭിച്ചു.

ALSO READ: ഇൻസ്റ്റഗ്രാം റീൽസിനെച്ചൊല്ലി തർക്കം; ചാലിശ്ശേരിയിൽ ഒൻപതാം ക്ലാസ് വിദ്യാർഥിയെ ക്രൂരമായി മർദിച്ച് സീനിയർ വിദ്യാർഥികൾ

തൊഴിലുറപ്പ് ജോലി കഴിഞ്ഞ് മടങ്ങിയെത്തിയ കുഞ്ഞിന്റെ അമ്മൂമ്മയാണ് മുറിക്കുള്ളിൽ കുഞ്ഞ് അനക്കമില്ലാതെ കിടക്കുന്നത് കണ്ടത്. തട്ടിവിളിച്ചിട്ടും പ്രതികരണമില്ലാതിരുന്നതിനെ തുടർന്ന് കുഞ്ഞിനെ ഉടൻ തന്നെ കാരേറ്റുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തിക്കുന്നതിന് മുൻപ് തന്നെ കുട്ടി മരിച്ചിരുന്നതായി ഡോക്ടർമാർ സ്ഥിരീകരിച്ചു.

A one-year-old girl, identified as Pavithra, daughter of Subhash and Ashwathy, was found dead in her home at Kanichode, Vamanapuram. The infant was discovered motionless in her room by her grandmother, who had just returned from MGNREGA work. Though the family immediately rushed the child to a private hospital in Karete, doctors confirmed she was brought dead.