കോഴിക്കോട്: നടക്കാവ്  ട്രീ ബ്ലൂ കമ്പനിയില്‍ നിന്നും മോഷണം നടത്തിയ കേസിലെ പ്രതി പിടിയില്‍. വെസ്റ്റ് ബംഗാള്‍ സ്വദേശി  മുനീരുള്‍ അലി (25) ആണ് നടക്കാവ് പൊലിസിന്റെ പിടിയിലായത്. കുതിരവട്ടം സ്വദേശിയായ ദീപുകുമാര്‍ ഇന്റീരിയര്‍ വര്‍ക്ക് കരാറെടുത്ത് പ്രവര്‍ത്തിയെടുത്ത് വരികയായിരുന്ന കാരപ്പറമ്പിലുള്ള ട്രീ ബ്ലൂ കമ്പനിയുടെ മുകളിലെത്തെ നിലയിലെ ഓഫീസിലാണ് മോഷണം നടന്നത്.

ഓഫിസില്‍ സൂക്ഷിച്ചിരുന്ന ലാപ്പ്ടോപ്പ്, സാംസങ് കമ്പനിയുടെ മൊബൈല്‍ ഫോണ്‍, 63,000 രൂപ എന്നിവ പ്രതി മോഷ്ടിച്ചു കൊണ്ടുപോകുകയായിരുന്നു. തുടര്‍ന്ന് ദീപുകുമാറിന്റെ പരാതിയില്‍ നടക്കാവ് പൊലീസ് കേസ് രജിസ്റ്റര്‍ അന്വേഷണം നടത്തുകയും, സംഭവസ്ഥലത്തെയും, സമീപ പ്രദേശങ്ങളിലെയും സിസിടിവി ദൃശ്യങ്ങള്‍ പരിശോധിച്ചതില്‍ നിന്നും ദീപുകുമാറിന്റെ കീഴില്‍ ഇന്റീരിയര്‍ വര്‍ക്ക് ചെയ്യുന്ന അന്യസംസ്ഥാന തൊഴിലാളിയായ മുനീരുള്‍ അലിയാണ് പ്രതിയെന്നും, ഇയാള്‍ മൊബൈല്‍ ഫോണ്‍ ഓഫ് ചെയ്ത് മുങ്ങിയതായും പൊലീസ് മനസ്സിലാക്കി. 

ALSO READ: മകന്റെ വിയോഗം താങ്ങാനായില്ല; കാസർകോട് ദമ്പതികൾ വീടിനുള്ളിൽ മരിച്ച നിലയിൽ

തുടര്‍ന്ന്  നടക്കാവ് പൊലീസ് സൈബര്‍സെല്ലുമായി ചേര്‍ന്ന് നടത്തിയ ശാസ്ത്രീയ അന്വേഷണത്തില്‍ പ്രതി കര്‍ണ്ണാടകയിലെത്തിയിട്ടുണ്ടെന്ന് കണ്ടെത്തുകയും അന്വേഷണം സംഘം പ്രതിയെ മൈസൂര്‍ ഉദയഗിരിയില്‍ വെച്ച് കസ്റ്റഡിയിലെടുക്കുകയുമായിരുന്നു.

പ്രതി കൊണ്ടോട്ടി പൊലീസ് സ്റ്റേഷന്‍ പരിധിയില്‍ സമാനരീതിയില്‍ മോഷണം നടത്തിയതിന് പിടിയിലായിട്ടുണ്ടെന്നും, ആശാരിപണിക്കാരനായ പ്രതി ഇന്റീരിയര്‍ വര്‍ക്കിനായി എത്തുന്ന സ്ഥലങ്ങളില്‍ നിന്ന് മോഷണം നടത്തി മുങ്ങുകയാണ് ചെയ്തിരുന്നതെന്നും പൊലീസ് പറഞ്ഞു. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയില്‍ ഹാജരാക്കി.

A migrant worker from another state has been arrested in connection with a theft carried out under the guise of interior work. Police said the accused allegedly used the opportunity while working at the premises to steal valuables, and further investigation is underway.