അബൂദബി: ഡ്രൈവര്‍ലെസ് ടാക്‌സി സേവനങ്ങള്‍ അബൂദബി എമിറേറ്റ്‌സ് കൂടുതല്‍ മേഖലകളിലേക്ക് വ്യാപിപ്പിക്കുന്നു. യാസ് ഐലന്‍ഡില്‍ ഇനി ലെവല്‍- 4 ഓട്ടോണമസ് ടാക്‌സി സേവനങ്ങള്‍ ലഭ്യമാവും.

ആന്‍ഡ്രോയിഡ്, ആപ്പിള്‍ ആപ്പ് സ്റ്റോറുകളില്‍ ലഭ്യമായ ഓട്ടോ ഗോ മൊബൈല്‍ ആപ്ലിക്കേഷന്‍ വഴി യാത്രക്കാര്‍ക്ക് റൈഡുകള്‍ ബുക്ക് ചെയ്യാം. എമിറേറ്റ്‌സിലെ യാത്രകള്‍ സുഗമാക്കുന്നതിന് അബൂദബി ആവിഷ്‌കരിച്ച സ്മാര്‍ട്ട് മൊബിലിറ്റി എന്ന ആശയത്തിന്റെ വിപുലീകരണമാണിത്.

ഭാവിയില്‍ അല്‍ റീം, അല്‍ മര്‍യ, അല്‍ സാദിയാത്ത് എന്നീ ഐലന്‍ഡുകളിലേക്കും ഡ്രൈവര്‍ലെസ് ടാക്‌സി സേവനങ്ങള്‍ വിപുലീകരിക്കും. ബൈഡുവിന്റെ അനുബന്ധ സ്ഥാപനമായ അപ്പോളോ ഗോയുമായി സഹകരിച്ചാണ് പ്രവര്‍ത്തനങ്ങള്‍. ഓട്ടോ ഗോ പ്രാദേശിക ഓപറേറ്ററായി പ്രവര്‍ത്തിക്കുന്നു.

English summary : Abu Dhabi is expanding its driverless taxi services by introducing Level-4 autonomous vehicles to Yas Island. Passengers can book rides through the 'Auto Go' mobile app, which is available on both Android and iOS platforms. This expansion is part of Abu Dhabi's Smart Mobility initiative, designed to enhance travel convenience across the emirate.