കോതമംഗലം: ശ്രീനാരായണ ഗുരുദേവ ജയന്തി ആഘോഷങ്ങള്‍ക്ക് കോതമംഗലം യൂനിയനു കീഴിലുള്ള 26 ശാഖകളിലും ഒരുക്കങ്ങള്‍ പൂര്‍ത്തിയായി. വിവിധ ശാഖകളില്‍ കലാമത്സരങ്ങള്‍ക്കും തുടക്കമായി. ജയന്തി ആഘോഷങ്ങളോടനുബന്ധിച്ച് വിവിധ കലാ കായിക പരിപാടികളും വര്‍ണശബളമായ ഘോഷയാത്രയും ജയന്തി സമ്മേളനവും നടക്കും.
ഉപ്പുകുളം, നേര്യമംഗലം, കോട്ടപ്പടി, കരിങ്ങഴ, കോതമംഗലം, പിണ്ടിമന ശാഖകളില്‍ യൂണിയന്‍ പ്രസിഡന്റ് അജി നാരായണനും, ചെമ്പന്‍കുഴി, തലക്കോട്, പോത്താനിക്കാട്, പൈങ്ങോട്ടൂര്‍, പനങ്കര, നെടുവക്കാട് ശാഖകളില്‍ യൂണിയന്‍ സെക്രട്ടറി പി.എ. സോമനും, കറുകടം, ചെറുവട്ടൂര്‍, മുളവൂര്‍, ഇളങ്ങവും ശാഖകളില്‍ യോഗം അസിസ്റ്റന്റ് സെക്രട്ടറി സജീവ് പാറയ്ക്കലും തട്ടേക്കാട്, മണികണ്ടംചാല്‍, വെണ്ടുവഴി ശാഖകളില്‍ യൂനിയന്‍ വൈസ് പ്രസിഡന്റ് എം.കെ മണി, കുട്ടമ്പുഴ ശാഖയില്‍ കൗണ്‍സിലര്‍ ടി.ജി അനി, മടിയൂര്‍ ശാഖയില്‍ പി.വി വാസു എന്നിവര്‍ സമ്മേളനങ്ങള്‍ ഉദ്ഘാടനം ചെയ്യും.