ഗാന്ധി നഗര്‍: ഗുജറാത്തില്‍ 2.05 ലക്ഷം കുട്ടികള്‍ പോഷകാഹരക്കുറവ് അനുഭവിക്കുന്നുണ്ടെന്ന് സര്‍ക്കാര്‍ അറിയിച്ചു. 20 ജില്ലകളിലെ വിദ്യാര്‍ഥികളുടെ കണക്കാണിത്. ഇവരില്‍ ഏകദേശം 1.69 ലക്ഷം പേര്‍ ഭാരക്കുറവുള്ളവരാണെന്നും വനിത ശിശു വികസന മന്ത്രി മനീഷ വക്കീല്‍ നിയമസഭയില്‍ പറഞ്ഞു.

കോണ്‍ഗ്രസ് എം.എല്‍.എമാരുടെ ചോദ്യങ്ങള്‍ക്ക് മറുപടിയായാണ് മന്ത്രി കണക്കുകള്‍ സഭയില്‍ അവതരിപ്പിച്ചത്. 2026 ജനുവരിയിലെ കണക്കനുസരിച്ച് 36,805 പേര്‍ ഗുരുതര ഭാരക്കുറവുള്ളവരാണ്. മധ്യ ഗുജറാത്തിലെ ആദിവാസികള്‍ക്ക് ഭൂരിപക്ഷമുള്ള പഞ്ച്മഹല്‍ ജില്ലയിലാണ് ഏറ്റവു കൂടുതല്‍ പോഷകാഹാരക്കുറവുള്ള കുട്ടികള്‍ (20762) ഉള്ളത് പോഷകാഹാരക്കുറവ് അവസാനിപ്പിക്കാന്‍ സംസ്ഥാന സര്‍ക്കാര്‍ നടപടി സ്വീകരിക്കുന്നുണ്ടെന്നും മന്ത്രി മനീഷ വക്കീല്‍ സഭയില്‍ അറിയിച്ചു.

ALSO READ: വീട്ടമ്മയുടെ മാല കവർന്ന് ആറ്റിൽ ചാടി പ്രതി; പിന്നാലെ ചാടി പൊലിസും, സിനിമയെ വെല്ലുന്ന സാഹസികത