കാബൂള്‍: അഫ്ഗാനിസ്ഥാന് നേരെ വീണ്ടും പാക് ആക്രമണം.  തലസ്ഥാനമായ കാബൂളില്‍ പാകിസ്താന്‍ സൈന്യം നടത്തിയ വ്യോമാക്രമണത്തില്‍ 400 പേര്‍ കൊല്ലപ്പെട്ടു. 250 പേര്‍ക്ക് പരുക്കേറ്റതായും റിപ്പോര്‍ട്ടുണ്ട്.

 പ്രാദേശിക സമയം രാത്രി ഒമ്പതിനാണ് കാബൂളിലെ ലഹരി വിമുക്ത കേന്ദ്രമായ ആശുപത്രിക്കു നേരെയായിരുന്നു  വ്യോമാക്രമണമെന്ന് താലിബാന്‍ വക്താവ് അറിയിച്ചു. 2000 കിടക്കകളുള്ള ആശുപത്രിയുടെ വലിയൊരു ഭാഗം തന്നെ തകര്‍ന്നെന്നും മരണസംഖ്യ ഇനിയും ഉയരാമെന്നും ബന്ധപ്പെട്ടവര്‍ അറിയിച്ചു. 

ആക്രമണത്തെ അപലപിച്ച അഫ്ഗാന്‍ സര്‍ക്കാര്‍ വക്താവ് സബീഹുല്ല മുജാഹിദ്, ആശുപത്രികളും സിവിലിയന്‍ കേന്ദ്രങ്ങളും ലക്ഷ്യമിട്ട് പാകിസ്താന്‍ ഭീകരത സൃഷ്ടിക്കുകയാണെന്നും കുറ്റപ്പെടുത്തി. 'പാകിസ്താന്‍ സൈനിക ഭരണകൂടം വീണ്ടും അഫ്ഗാനിസ്ഥാന്റെ വ്യോമാതിര്‍ത്തി ലംഘിക്കുകയും കാബൂളിലെ ലഹരി വിമുക്ത കേന്ദ്രമായ  ആശുപത്രി തകര്‍ക്കുകയും ചെയ്തു, ആശുപത്രിയില്‍ ചികിത്സയിലുണ്ടായിരുന്നവര്‍ കൊല്ലപ്പെടുകയും നിരവധി പേര്‍ക്ക് പരുക്കേല്‍ക്കുകയും ചെയ്തു' -സബീഹുല്ല എക്‌സില്‍ കുറിച്ചു. 

ALSO READ: In Depth:: റഫ അതിർത്തി അടച്ച് ഇസ്റാഈൽ: ഗസ്സയിൽ ചികിത്സ ലഭിക്കാതെ മരിച്ചു വീഴുന്നത് കുഞ്ഞുങ്ങൾ ഉൾപ്പെടെ നിരവധി രോഗികൾ

കുറ്റകൃത്യത്തെ ശക്തമായി അപലപിക്കുന്നു, പാകിസ്താന്‍ സൈന്യത്തിന്റെ നടപടി അംഗീകൃത തത്വങ്ങള്‍ക്ക് വിരുദ്ധവും മാനവരാശിക്കെതിരായ കുറ്റകൃത്യവുമായി കണക്കാക്കും അദ്ദേഹം കുറ്റപ്പെടുത്തി.

അതേസമയം, അഫ്ഗാന്‍ സര്‍ക്കാറിന്റെ ആരോപണങ്ങള്‍ പാകിസ്താന്‍ നിഷേധിച്ചു. ആരോപണം അടിസ്ഥാനരഹിതമാണെന്നും കാബൂളില്‍ ഒരു ആശുപത്രിയും ലക്ഷ്യമിട്ടിട്ടില്ലെന്നും പാകിസ്താന്‍ അധികൃതര്‍ പ്രസ്താവനയില്‍ വ്യക്തമാക്കി. കാബൂളിലും കിഴക്കന്‍ പ്രവിശ്യയായ നര്‍ഗാര്‍ഹാറിലും സൈനിക താവളങ്ങള്‍ ലക്ഷ്യമിട്ട് കൃത്യതയോടെയുള്ള വ്യോമാക്രമണങ്ങളാണ് നടത്തിയതെന്നും പാകിസ്താന്‍ വാര്‍ത്താവിതരണ മന്ത്രി അത്താഉല്ല തരാര്‍ പ്രതികരിച്ചു.

pakistan attack in kabul leaves 400 people dead and 250 injured. latest updates, causes, and international reactions to the deadly kabul incident.