തിരുവനന്തപുരം: ശ്രീചിത്ര ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ നിന്നും 70 ലക്ഷം രൂപയുടെ അനധികൃത സ്വത്ത് സമ്പാദിച്ചെന്ന കേസിൽ മുൻ ഡെപ്യൂട്ടി ഡയറക്ടർക്ക് മൂന്ന് വർഷം കഠിന തടവും 71 ലക്ഷം രൂപ പിഴയും. പി.ഭി സൗരഭനെതിരെയാണ് തിരുവനന്തപുരം സിബിഐ കോടതി ജഡ്ജി കെഎസ്‌ രാജീവ് ശിക്ഷ വിധിച്ചത്. 

സ്വത്ത് സമ്പാദനത്തിൽ ഭർത്താവിനെ സഹായിച്ചെന്ന കുറ്റം ആരോപിക്കപ്പെട്ട ഭാര്യ സുരേഖയെ തെളിയുടെ അഭാവത്തിൽ കോടതി വെറുതെ വിടുകയും ചെയ്തു. പിഴ അടച്ചില്ലെങ്കിൽ ഒരു വർഷം അധിക തടവ് അനുഭവിക്കണണമെന്നും വിധിയിൽ പറയുന്നുണ്ട്. ഇതിന് പുറമെ 71 ലക്ഷം രൂപക്ക് തുല്യമായ ഫിക്സഡ് ഡെപ്പോസിറ്റ് ഉണ്ടെങ്കിൽ അത് കണ്ടുകെട്ടാനും ഉത്തരവ് ഉണ്ട്. പിഴ അടക്കുന്നതിൽ വീഴ്ച വരുത്തിയാൽ കോടതിയിൽ സമർപ്പിച്ച സ്ഥിര നിക്ഷേപ രശീതി തുകകൾ സർക്കാരിലേക്ക് കണ്ടുകെട്ടുമെന്നും കോടതി വ്യക്തമാക്കി.