തിരുവനന്തപുരം: തെരഞ്ഞെടുപ്പ് സത്യവാങ്മൂലത്തില്‍ സ്വത്തുവിവരങ്ങള്‍ മറച്ചുവെച്ച നേമം സ്ഥാനാര്‍ഥിയും, ബിജെപി നേതാവുമായ രാജീവ് ചന്ദ്രശേഖറെ അയോഗ്യനാക്കണമെന്ന് കോണ്‍ഗ്രസ്. ബെംഗളുരു കോറമംഗലയിലുള്ള കോടികള്‍ വിലമതിക്കുന്ന വസതിയുടെ വിവരങ്ങള്‍ രാജീവ് ചന്ദ്രശേഖര്‍ വെളിപ്പെടുത്തിയിട്ടില്ലെന്നാണ് ആരോപണമുയരുന്നത്. എക്‌സ്‌പോസ്റ്റില്‍ സ്വത്തുക്കളുടെ വിശദവിവരങ്ങളും കോണ്‍ഗ്രസ് പങ്കുവെച്ചിട്ടുണ്ട്. 

കോറമംഗല മൂന്നാം ബ്ലോക്കിലെ 49,000 ചതുരശ്ര അടി വിസ്തീര്‍ണമുള്ള ബംഗ്ലാവിന്റെ നികുത അടച്ച രസീതുകളുടെ പകര്‍പ്പുകള്‍ കോണ്‍ഗ്രസ് പുറത്തുവിട്ടു. 1.07 ഏക്കറില്‍ സ്ഥിതി ചെയ്യുന്ന സ്വത്തിന് ഏകദേശം 200 കോടി രൂപവിലമതിക്കും. 2024ലെ സത്യവാങ്മൂലത്തില്‍ ഇതേവിലാസം തന്നെയാണ് അദ്ദേഹം വസതിയായി നല്‍കിയിട്ടുള്ളതെന്നും കോണ്‍ഗ്രസ് വ്യക്തമാക്കി.

ALSO READ: രാഷ്ട്രീയ പാര്‍ട്ടികള്‍ക്ക് അയച്ച കത്തിലെ ബിജെപി സീൽ: ക്ലറിക്കൽ പിഴവെന്ന് മുഖ്യ തെരഞ്ഞെടുപ്പ് ഓഫീസർ; കത്ത് നേരത്തെ പിൻവലിച്ചെന്നും വിശദീകരണം

ശതകോടീശ്വരനും, വലിയ ബിസിനസ് സാമ്രാജ്യത്തിന്റെ ഉടമയുമായ രാജീവ് ചന്ദ്രശേഖര്‍ സ്വന്തമായി വീടോ, വാഹനമോ ഇല്ലെന്നാണ് സത്യവാങ്മൂലത്തില്‍ കാണിക്കുന്നത്. ഇത് തെരഞ്ഞെടുപ്പ് കമ്മീഷനെ കബളിപ്പിക്കുന്നതിന് തുല്യമാണെന്നും, ജനപ്രാതിനിധ്യ നിയമപ്രകാരം സ്ഥാനാര്‍ഥിയെ അയോഗ്യനാക്കണമെന്നും കോണ്‍ഗ്രസ് ആവശ്യപ്പെട്ടു.

The Congress has demanded that Nemom candidate and BJP leader Rajeev Chandrasekhar be disqualified for allegedly concealing asset details in his election affidavit.