തിരുവനന്തപുരം: തെരഞ്ഞെടുപ്പ് കമ്മിഷന്‍ രാഷ്ട്രീയ പാര്‍ട്ടികള്‍ക്ക് അയച്ച കത്തില്‍ കേരള ബി.ജെ.പിയുടെ സീല്‍ പതിപ്പിച്ചെന്ന ആരോപണത്തിൽ വിശദീകരണവുമായി മുഖ്യ തെരഞ്ഞെടുപ്പ് ഓഫീസർ ഡോ. രത്തൻ യു. ഖേൽക്കർ. സംഭവിച്ചത് ക്ലറിക്കൽ പിഴവാണെന്നും തെറ്റ് തിരിച്ചറിഞ്ഞ ഉടൻ തന്നെ തിരുത്തൽ നടപടികൾ സ്വീകരിച്ചിരുന്നതായും അദ്ദേഹം പ്രസ്താവനയിൽ വ്യക്തമാക്കി.

2019-ൽ തെരഞ്ഞെടുപ്പ് കമ്മീഷൻ പുറപ്പെടുവിച്ച ചില മാർഗനിർദ്ദേശങ്ങളെക്കുറിച്ച് വിശദീകരണം തേടി ബിജെപി കേരള ഘടകം സിഇഒ ഓഫീസിനെ സമീപിച്ചിരുന്നു. അന്ന് ബിജെപി നൽകിയ അപേക്ഷയ്ക്കൊപ്പം 2019-ലെ പഴയൊരു കത്തിന്റെ പകർപ്പും ഉണ്ടായിരുന്നു. ഈ പകർപ്പിൽ പാർട്ടിയുടെ സീൽ പതിപ്പിച്ചിരുന്നു. ഈ പകർപ്പാണ് അശ്രദ്ധ മൂലം കമ്മീഷൻ ഓഫീസിൽ നിന്ന് മറ്റ് രാഷ്ട്രീയ പാർട്ടികൾക്ക് അയച്ചത്. പിഴവ് ശ്രദ്ധയിൽപ്പെട്ട ഉടനെ, അതായത് മാർച്ച് 21-ന് തന്നെ പ്രസ്തുത കത്ത് പിൻവലിച്ചതായി എല്ലാ രാഷ്ട്രീയ പാർട്ടികളെയും അറിയിച്ചിരുന്നുവെന്നും മുഖ്യ തെരഞ്ഞെടുപ്പ് ഓഫീസർ കൂട്ടിച്ചേർത്തു.

സി.പി.എം ആണ് തെരഞ്ഞെടുപ്പ് കമ്മിഷന്‍ രാഷ്ട്രീയ പാര്‍ട്ടികള്‍ക്ക് അയച്ച കത്തില്‍ കേരള ബി.ജെ.പിയുടെ സീല്‍ പതിപ്പിച്ചെന്ന ആരോപണവുമായി രം​ഗത്തെത്തിയത്. രണ്ട് ദിവസം മുന്‍പ് ഇ-മെയില്‍ വഴി അയച്ച കത്തിലായിരുന്നു ബിജെപിയുടെ സീല്‍ ഉണ്ടായിരുന്നത്. ഈ കത്തിലെ തീയതി 2019 മാര്‍ച്ച് 19 ആയിരുന്നു.

ALSO READ: 'ഏത് ചിഹ്നത്തിൽ കുത്തിയാലും, കത്തിലും താമര'; തെരഞ്ഞെടുപ്പ് കമ്മീഷന്റെ കത്തിൽ ബിജെപി സീൽ; പരിഹാസവുമായി നികേഷ് കുമാർ

തെരഞ്ഞെടുപ്പ് കമ്മീഷന്‍ രാഷ്ട്രീയ പാര്‍ട്ടികള്‍ക്ക് അയച്ച കത്തിനൊപ്പം ചേര്‍ത്ത സത്യവാങ്മൂലത്തില്‍ തെരഞ്ഞെടുപ്പ് കമ്മീഷന്റെ സീലിനു പകരം ബിജെപി കേരള ഘടകത്തിന്റെ സീലാണുള്ളതെന്ന് പോസ്റ്റില്‍ പറയുന്നു. 

'ഇന്ത്യയിലെ തെരഞ്ഞെടുപ്പ് കമ്മിഷനെയും ബി.ജെ.പിയേയും നിയന്ത്രിക്കുന്നത് ഒരേ കേന്ദ്രമാണെന്നത് രഹസ്യമല്ല. എന്നാല്‍ ഈ രണ്ട് ഓഫീസിലെയും സീലുകള്‍ അങ്ങോട്ടും ഇങ്ങോട്ടുമെല്ലാം മാറി ഉപയോഗിക്കുന്ന സ്ഥിതിയാണ് ഇപ്പോള്‍ കാണുന്നത്. ആരെങ്കിലും ഇതൊക്കെ ശ്രദ്ധിക്കുന്നത് നന്നായിരിക്കും' സി.പി.എം പങ്കുവെച്ച പോസ്റ്റില്‍ പറയുന്നു.

'തെരഞ്ഞെടുപ്പ് കമ്മിഷനും ബിജെപിയും ഒരു സീല്‍ ആണ് ഉപയോഗിക്കുന്നത് എന്നത് പുതിയ അറിവാണ്. വോട്ടിങ് യന്ത്രത്തില്‍ ഏത് ബട്ടണ്‍ അമര്‍ത്തിയാലും താമര തെളിയുന്നത് പോലെയുള്ള മറ്റൊരു യാദൃശ്ചികതയാകും ഇതെന്നും' സാമൂഹികമാധ്യമത്തില്‍ പങ്കുവെച്ച കുറിപ്പിലൂടെ സി.പി.എം പരിഹസിച്ചു.

The Election Commission of India has clarified that the inclusion of the Kerala BJP's seal on an official letter was a clerical error. Chief Electoral Officer Dr. Ratan U. Khelkar stated that the mistake was rectified immediately upon discovery, amidst allegations of partisan bias from the CPM ¹ ².