വ്യാജവാര്‍ത്തകള്‍ പ്രചരിപ്പിച്ചാല്‍ ഇനി പണികിട്ടും. നിയമസഭ തെരഞ്ഞെടുപ്പ് കാലത്ത് ഡിജിറ്റല്‍ പ്ലാറ്റ്‌ഫോമുകള്‍ ദുരുപയോഗം ചെയ്യുന്നവര്‍ക്കെതിരേ കര്‍ശന നടപടിയെടുക്കുമെന്ന് കേരള പൊലിസ് മുന്നറിയിപ്പ് നല്‍കി. 

ഇതിനായി പ്രമുഖ സോഷ്യല്‍ മീഡിയ കമ്പനികളുമായി പൊലിസ് സഹകരിക്കുന്നുണ്ട്. മുഖ്യ തെരഞ്ഞെടുപ്പ് ഓഫീസര്‍ ഔദ്യോഗികമായി വ്യക്തത വരുത്തിയ കാര്യങ്ങളില്‍ പോലും തെറ്റായ വിവരങ്ങള്‍ ചേര്‍ത്ത് പ്രചരിപ്പിക്കുന്നത് ഗൗരവകരമായാണ് പൊലിസ് കാണുന്നത്.

ബോധപൂര്‍വ്വം വ്യാജവാര്‍ത്തകള്‍ നിര്‍മ്മിക്കുന്നവര്‍ക്കും അത് സോഷ്യല്‍ മീഡിയ ഗ്രൂപ്പുകളിലും മറ്റും പങ്കുവെക്കുന്നവര്‍ക്കുമെതിരെ ക്രിമിനല്‍ കേസുകള്‍ ഉള്‍പ്പെടെയുള്ള കര്‍ശനമായ ശിക്ഷാനടപടികള്‍ സ്വീകരിക്കും. വാട്‌സ്ആപ്പ് ഗ്രൂപ്പുകളിലോ മറ്റ് പ്ലാറ്റ്‌ഫോമുകളിലോ വരുന്ന സ്ഥിരീകരിക്കാത്ത വാര്‍ത്തകള്‍ ഫോര്‍വേഡ് ചെയ്യുകയോ പങ്കുവെക്കുകയോ ചെയ്യരുത്. 

തെരഞ്ഞെടുപ്പുമായി ബന്ധപ്പെട്ട വിവരങ്ങള്‍ക്ക് മുഖ്യ തെരഞ്ഞെടുപ്പ് ഓഫീസറുടെയോ കേരള പോലീസിന്റെയോ ഔദ്യോഗിക പേജുകളെ മാത്രം ആശ്രയിക്കുക.