എടച്ചേരി: ജീവിതത്തിന്റെ ഒറ്റപ്പെടലില്‍ മനസും ശരീരവും ഒരുപോലെ തളര്‍ന്നുപോയ തണല്‍ അഗതി മന്ദിരത്തിലെ അന്തേവാസികള്‍ക്കൊപ്പം നാട്ടുകാര്‍ പെരുന്നാള്‍ ആഘോഷത്തില്‍ പങ്കുചേര്‍ന്നു. ഖത്തര്‍ കെ.എം.സി.സി എടച്ചേരി പഞ്ചായത്ത് കമ്മിറ്റി തണലില്‍ ഏര്‍പ്പെടുത്തിയ പെരുന്നാള്‍ ആഘോഷമാണ് അപൂര്‍വ സംഗമവേദിയായത്. പെരുന്നാള്‍ സദ്യയ്ക്കു ശേഷം ആഘോഷത്തിനു മാറ്റുകൂട്ടാന്‍ യുവ ഗായകന്മാര്‍ അവതരിപ്പിച്ച ഗാനമേളയില്‍ അന്തേവാസികളും പങ്കുചേര്‍ന്നു.
ജില്ലാ യൂത്ത്‌ലീഗ് പ്രസിഡന്റ് നജീബ് കാന്തപുരം പരിപാടി ഉദ്ഘാടനം ചെയ്തു. സഫീര്‍ സി.വി അധ്യക്ഷനായി. ടി.കെ അഹമ്മദ് മാസ്റ്റര്‍, യു.പി മൂസ മാസ്റ്റര്‍, ആര്‍.ടി ഉസ്മാന്‍ മാസ്റ്റര്‍, യഹ്‌സാദ് കല്ലറക്കല്‍, പി.എ തലായി, എം.പി അഷ്‌റഫ്, എം.കെ കുഞ്ഞബ്ദുല്ല മൗലവി, സൂപ്പി കല്ലറക്കല്‍, ഫായിസ് കുറുങ്ങോട്ട്, ആഷിക് ബഷീര്‍, ഫജ്‌റുസ്സാദിഖ്, റിയാസ് തട്ടാറത്ത്, റഹീം കെ.എം നേതൃത്വം നല്‍കി.