തെഹ്‌റാന്‍: ഇറാനില്‍ കരയാക്രമണത്തിന് തയാറെടുക്കുന്ന യു.എസ് സൈന്യത്തിന് സന്ദേശവുമായി ഇറാന്‍ ടി.വിയില്‍ സൈന്യത്തിന്റെ വിഡിയോ. കൂടുതല്‍ അടുത്തു വരൂ ഞങ്ങള്‍ നിങ്ങളെ കാത്തിരിക്കുകയാണെന്നും വിഡിയോയില്‍ ഇറാന്‍ സൈന്യം പറയുന്നു. 

ALSO READ: ‘ചിലർ ബഹളത്തിന് തയ്യാറെടുത്ത് വന്നു’; വാർത്താസമ്മേളനത്തിലെ പ്രതിഷേധത്തിൽ മുഖ്യമന്ത്രിയുടെ മറുപടി

കരയാക്രമണത്തിന്റെ പരിശീലന ദൃശ്യങ്ങളും വിഡിയോയില്‍ ഇറാന്‍ സൈന്യം കാണിക്കുന്നുണ്ട്. യു.എസ് സൈന്യത്തെ തോല്‍പ്പിക്കാന്‍ കഴിയുമെന്ന ആത്മവിശ്വാസത്തിലാണ് ഇറാന്‍ സൈന്യം. 59 സെക്കന്റ് ദൈര്‍ഘ്യമുള്ള വിഡിയോയാണ് ഇറാന്‍ പ്രസ് ടി.വി പുറത്തുവിട്ടത്. പേര്‍ഷ്യന്‍, ഇംഗ്ലിഷ്, ഹീബ്രു, അറബി ഭാഷകളില്‍ ടൈറ്റിലുകളും നല്‍കിയിട്ടുണ്ട്. ഇറാന്‍ സൈനിക ശേഷിയും വിഡിയോയില്‍ കാണിക്കുന്നുണ്ട്. പരുത്ത ഇറാന്‍ ഭൂപ്രകൃതിയില്‍ സൈനികരുടെ പരിശീലനവും അഭ്യാസവുമാണ് ദൃശ്യങ്ങളിലുള്ളത്.പശ്ചിമേഷ്യയില്‍ കൂടുതല്‍ സൈന്യത്തെ വിന്യസിക്കുമെന്ന് വൈറ്റ്ഹൗസ് തിങ്കളാഴ്ച വ്യക്തമാക്കിയിരുന്നു. ഖാര്‍ഗ് ദ്വീപ് പിടിച്ചെടുത്ത് ഇറാന്റെ എണ്ണ സ്വതന്ത്രമാക്കുമെന്ന് ട്രംപ് പ്രസ്താവിച്ചിരുന്നു.