കല്‍പ്പറ്റ: മൈസൂരുവിലെ യാത്ര കഴിഞ്ഞ് മടങ്ങുന്നതിനിടെ വയനാട് ബാവലി പുഴയില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ മുങ്ങിമരിച്ചു. കോഴിക്കോട് കൊയിലാണ്ടി സ്വദേശിയായ പതിനേഴുകാരന്‍ അദിനാന്‍, പതിമംഗലം സ്വദേശിയായ പതിനഞ്ചുകാരന്‍ ആഷിഖ് എന്നിവരാണ് മരണപ്പെട്ടത്. കൂടെയുണ്ടായിരുന്ന മുബഷീര്‍ എന്ന വിദ്യാര്‍ഥിയെ രക്ഷപ്പെടുത്തി.

മൈസൂരുവിലെ വിനോദയാത്ര കഴിഞ്ഞ് മടങ്ങുന്ന വഴി ബാവലി മഖാം സന്ദര്‍ശിക്കാനാണ് വിദ്യാര്‍ഥികള്‍ എത്തിയത്. മഖാമിന് സമീപമുള്ള പുഴയില്‍ കുളിക്കാനിറങ്ങിയപ്പോഴാണ് വിദ്യാര്‍ഥികള്‍ അപകടത്തില്‍പ്പെട്ടത്. ഒഴുക്കില്‍പ്പെട്ട മൂന്ന് പേരില്‍ ഒരാളെ രക്ഷിക്കാനായെങ്കിലും മറ്റു രണ്ടുപേരുടെ ജീവന്‍ നഷ്ടമാവുകയായിരുന്നു. ആഘോഷമായി തുടങ്ങിയ യാത്ര വലിയൊരു ദുരന്തമായി മാറിയതിന്റെ ആഘാതത്തിലാണ് ബന്ധുക്കളും സുഹൃത്തുക്കളും.

Two students from Kozhikode tragically drowned in the Bavali river while returning from a school excursion to Mysore.