ആര്‍പ്പൂക്കര : മസ്ജിദിലേക്ക് പോയ അസിസ്റ്റന്റ് ഇമാമിനെ ബൈക്കിലെത്തിയ യുവാക്കള്‍ കണ്ണിന് നേരെ കുരുമുളക് സ്‌പ്രേ അടിച്ചു.
മെഡിക്കല്‍ കോളജ് ജുമാമസ്ജിദ് മുടിയൂര്‍ക്കര അസിസ്റ്റന്റ് ഇമാം താജുദ്ദീന്‍ (ത്വാഹാ ഉസ്താദ്-60) നേരെയാണ് ഇന്നലെ പുലര്‍ച്ചെ 4.45ഓടെ ആക്രമണമുണ്ടായത് .
കസ്തൂര്‍ബാ ജംഗ്ഷനിലായിരുന്നു ത്വാഹാ ഉസ്താദ് താമസിച്ചിരുന്നത്. രാവിലെ പള്ളിയിലേക്ക് നടന്നു പോകുകയായിരുന്നു എസ്.എച് ലാബിനടുത്ത് എത്തിയപ്പോള്‍ ബൈക്കിലെത്തിയ രണ്ടു പേര്‍ മെഡിക്കല്‍ കോളജിലേക്കുള്ള വഴി ചോദിച്ചു. ഇതിനിടെ പെട്ടെന്ന് പിന്നിലിരുന്ന യുവാവ് ഉസ്താദിന്റെ കുരുമുളക് സ്േ്രപ കണ്ണിലേക്കടിക്കുകയായിരുന്നുു.
കണ്ണാടിയിട്ടത് മൂലം മുഴുവന്‍ കണ്ണിലടിച്ചില്ല. ഉടനെ തന്നെ അടുത്ത വീട്ടിലേക്കോടിയെത്തിയ ഉസ്താദിനെ വീട്ടുകാര്‍ ആശുപത്രിയിലെത്തിച്ചു. പരിശോധനയില്‍ കണ്ണിന് പ്രശ്‌നമൊന്നുമില്ല.ബൈക്കോടിച്ചയാള്‍ക്ക് 20 വയസ് തോന്നിക്കുമെന്ന് ത്വാഹാ ഉസ്താദ് പറയുന്നു. ആക്രമണത്തില്‍ ദക്ഷിണ കേരള ജംഇയ്യത്തൂല്‍ മുഅ്ല്ലിമീന്‍ കോട്ടയം മേഖലാ പ്രസിഡന്റ് ത്വാഹാ മൗലവിയും സെക്രട്ടറി അബ്ദുന്നാസര്‍ മൗലവിയും ശക്തിയായി പ്രതിഷേധിച്ചു. കുറ്രക്കാര്‍ക്കെതിരെ അടിയന്തിര നടപടി സ്വീകരിക്കണമെന്നും ഇരുവരും പ്രസ്താവനയില്‍ ആവശ്യപ്പെട്ടു.