അഞ്ചരക്കണ്ടി: ബലിപെരുന്നാള്‍ ദിനത്തില്‍ ജീവകാരുണ്യപ്രവര്‍ത്തനത്തില്‍ മാതൃകയായി എസ്.കെ.എസ്.എസ്.എഫ് പ്രവര്‍ത്തകര്‍. അബുദാബി കണ്ണൂര്‍ ജില്ലാ കമ്മിറ്റിയും അഞ്ചരക്കണ്ടി മേഖല കമ്മിറ്റിയും ചേര്‍ന്ന് മെഡിക്കല്‍ കോളജിലെയും ഗവ. ആശുപത്രിയിലെയും രോഗികള്‍ക്കും കൂട്ടിരിപ്പുകാര്‍ക്കും ഭക്ഷണം വിതരണം ചെയ്തു. വിഖായ വളണ്ടിയര്‍മാരുടെ നേതൃത്വത്തിലായിരുന്നു ഭക്ഷണ വിതരണം. മെഡിക്കല്‍ കോളജില്‍ ചക്കരക്കല്‍ എസ്.ഐ പി ബിജു ഉദ്ഘാടനം ചെയ്തു. സിദ്ധീഖ് ഫൈസി വെണ്‍മണല്‍ അധ്യക്ഷനായി.
അബ്ദുല്‍ ഗഫൂര്‍ ബാഖവി, സലാം പൊയനാട്, അബുദാബി ജില്ലാ കമ്മിറ്റിയംഗം റയിസ് ചെമ്പിലോട്, ആശുപത്രി സൂപ്രണ്ട് ഷിജില്‍, കെ എറമു, റഫീഖ്, ഷക്കീര്‍, ജമീല്‍ സംസാരിച്ചു. ഗവ.ആശുപത്രിയില്‍ നടന്ന പരിപാടി എടക്കാട് ബ്ലോക്ക് പഞ്ചായത്ത് പ്രസിഡന്റ് എം.സി മോഹനന്‍ ഉദ്ഘാടനം ചെയ്തു.