തൃശൂര്‍: മണലൂര്‍ മണ്ഡലത്തിലെ വാടനപ്പള്ളിയില്‍ ബി.ജെ.പി പ്രവര്‍ത്തകരുടെ കിറ്റ് വിതരണം യു.ഡി.എഫും എല്‍.ഡി.എഫും തടഞ്ഞതിന് പിന്നാലെ സംഘര്‍ഷം. വാടാനപ്പള്ളിയിലെ ചാംപ്യന്‍സ് സൂപ്പര്‍മാര്‍ക്കറ്റിലാണ് കിറ്റുകള്‍ സൂക്ഷിച്ചിരിക്കുന്നത്. കിറ്റുകള്‍ കൊണ്ടുപോകുന്നത് ടി.എന്‍ പ്രതാപന്റെ നേതൃത്വത്തിലുള്ള കോണ്‍ഗ്രസ് പ്രവര്‍ത്തകര്‍ തടഞ്ഞതോടെയാണ് സംഘര്‍ഷമുണ്ടായത്. ഗോഡൗണിന്റെ ഗേറ്റഅ തകര്‍ത്ത് പ്രവര്‍ത്തകര്‍ അകത്ത് തയറി. ഗോഡൗണിനോട് ചേര്‍ന്നുള്ള വീട്ടിലെത്തിയ ബി.ജെ.പി പ്രവര്‍ത്തവരെയും തടഞ്ഞു. 

ബി.ജെ.പി- എല്‍.ഡി.എഫ്- യു.ഡി.എഫ് പ്രവര്‍ത്തകര്‍ ഏറെ നേരെ മുദ്രാവാക്യം വിളികളുമായി സ്ഥലത്ത് നിലയുറപ്പിച്ചു. 

കിറ്റുകള്‍ ഉള്ളതായി ആരോപണമുയര്‍ന്ന ഗോഡൗണിന്റെ മുകളിലെ മുറിയില്‍ നിന്ന് ബി.ജെ.പി നേതാവും നടനുമായ ദേവന്‍ പുറത്തേക്ക് വന്നു. ദേവനെ അറസ്റ്റ് ചെയ്യണമെന്ന് എല്‍.ഡി.എഫും യു.ഡി.എഫും ആവശ്യപ്പെട്ടു. ഇലക്ഷന്‍ ഫ്‌ളൈയിങ് സ്‌ക്വാഡും പൊലിസും സ്ഥലത്തെത്തിയിട്ടുണ്ട്. സ്ഥലത്ത് കണ്ടെത്തിയ കിറ്റുകള്‍ പൊലിസ് പിടിച്ചെടുത്ത് നീക്കി. 

അതേസമയം, കിറ്റ് വിതരണം ചെയ്തുവെന്ന പരാതിയില്‍ ചാംപ്യന്‍ ട്രേഡേഴ്‌സ് എന്ന സ്ഥാപനത്തിന്റെ ഉടമയെ പൊലിസ് കസ്റ്റഡിയിലെടുത്തു. കിറ്റുകള്‍ ഓര്‍ഡര്‍ ചെയ്ത ബി.ജെ.പി പ്രവര്‍ത്തകനും കസ്റ്റഡിയിലാണ്. വാടാനപ്പള്ളി സ്വദേശി സുധീഷാണ് കസ്റ്റഡിയിലുള്ളത്. 

ALSO READ: സീറ്റ് വാഗ്ദാനം ചെയ്ത് പണം കൈപ്പറ്റിയെന്ന് ആരോപണം; മാനനഷ്ട കേസ് ഫയല്‍ ചെയ്ത് കെ.സി വേണുഗോപാല്‍

കഴിഞ്ഞദിവസം ഒളരിയില്‍ വോട്ടര്‍മാര്‍ക്ക് ബി.ജെ.പി ഭക്ഷ്യകിറ്റ് വിതരണം ചെയ്‌തെന്ന പരാതിയില്‍ തൃശ്ശൂര്‍ വെസ്റ്റ് പൊലിസ് കേസെടുത്തിരുന്നു. കിറ്റുകള്‍ ഓര്‍ഡര്‍ ചെയ്ത ബി.ജെ.പി നേതാവ് രാധാകൃഷ്ണന്‍ എന്നയാളുടേ പേരിലാണ് കേസ്. 

ഒളരിയിലെ കാര്‍ത്തിക സൂപ്പര്‍മാര്‍ക്കറ്റിലാണ് കിറ്റുകള്‍ തയാറാക്കിവച്ചത്. വിവരമറിഞ്ഞെത്തിയ എല്‍.ഡി.എഫ് പ്രവര്‍ത്തകര്‍ കിറ്റ് വിതരണം തടഞ്ഞിരുന്നു. പരാതിയെ തുടര്‍ന്ന് തെരഞ്ഞെടുപ്പ് ഉദ്യോഗസ്ഥര്‍ ഒളരിയിലെ കാര്‍ത്തിക സൂപ്പര്‍മാര്‍ക്കറ്റ് താത്കാലികമായി അടച്ച് സീല്‍വച്ചു. കിറ്റുകള്‍ പിടിച്ചെടുത്തു.

900 രൂപയുടെ 18 ഇനങ്ങളടങ്ങിയ 26 കിറ്റുകളാണ് തയാറാക്കിയിരുന്നത്. ഒളരി ശിവരാമപുരം ഉന്നതിയിലെ വീട്ടുകാരാണ് കിറ്റ് കൈപറ്റാനെത്തിയത്. വിവരമറിഞ്ഞെത്തിയ എല്‍.ഡി.എഫ് നേതാക്കളായ വി.എസ് സുനില്‍കുമാര്‍, അനൂപ് ഡേവീസ് കാട, കെ.എസ് സെന്തില്‍കുമാര്‍ എന്നിവരെത്തിയാണ് കിറ്റ് വിതരണം തടഞ്ഞത്.

Tensions flared in Vadanappally following a controversy over alleged attempts by BJP workers to distribute kits. Activists from both LDF and UDF reportedly intervened and blocked the move, leading to a clash between the groups. The incident has intensified political rivalry in the area amid the ongoing election campaign, with authorities expected to look into the matter.