ബെര്‍ലിന്‍: ജര്‍മനിയില്‍ നടക്കുന്ന ഗ്രെന്‍കെ ചെസ് ഫ്രീസ്‌റ്റൈല്‍ ഓപ്പണിനിടെ മത്സര വേദിയില്‍ നാടകീയ രംഗങ്ങള്‍. ലോക ഒന്നാം നമ്പര്‍ താരം മാഗ്‌നസ് കാള്‍സനും എതിരാളിയായ യുവ താരം അലുവ നുര്‍മനും തമ്മിലുള്ള മത്സരത്തിനു തൊട്ടുമുന്‍പ് നടന്ന സംഭവം സമൂഹമാധ്യമങ്ങളിലടക്കം ചര്‍ച്ചയായിരിക്കുകയാണ്. 

മത്സരത്തിന് തൊട്ടുമുന്‍പായി കാള്‍സനൊപ്പം ഒരു സെല്‍ഫിയെടുക്കട്ടേയെന്ന് അലുവ ചോദിച്ചു. ഒട്ടും മടികൂടാതെ വനിതാ താരത്തിനൊപ്പം കാള്‍സണ്‍ ചിരിച്ചുകൊണ്ട് സെല്‍ഫിക്കു പോസ് ചെയ്യുകയും ചെയ്തു. 

എന്നാല്‍ ഇതിനു പിന്നാലെ സീറ്റില്‍ നിന്നെഴുന്നേറ്റ് സംഘാടകര്‍ക്കരികിലെത്തിയ കാള്‍സണ്‍ മൊബൈല്‍ ഫോണിനെക്കുറിച്ച് പരാതി പറയുകയായിരുന്നു. മത്സരം നിയന്ത്രിക്കാന്‍ നില്‍ക്കുന്നയാളോടാണ് കാള്‍സണ്‍ പരാതി പറഞ്ഞത്. പിന്നാലെ അലുവയുടെ കയ്യില്‍നിന്ന് ഫോണ്‍ വാങ്ങിവയ്ക്കുകയായിരുന്നു.

നിയമപ്രകാരം മത്സരത്തിനിടെ താരങ്ങള്‍ ഫോണുകള്‍ കൈവശം സൂക്ഷിക്കാന്‍ പാടില്ല. അതുകൊണ്ടാണ് സംഘാടകര്‍  ഇടപെട്ട് ഫോണ്‍ മാറ്റിയത്. ഇതിനു ശേഷമാണു മത്സരം ആരംഭിച്ചത്. സംഭവത്തിന്റെ വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ വൈറലാണ്. 

World chess champion Magnus Carlsen reportedly had a young player’s phone confiscated following a complaint after the player took a smiling selfie with an opponent. The incident has sparked discussion about tournament rules, player conduct, and the boundaries of interaction during competitions. Organizers are believed to have acted in accordance with regulations, while the episode has drawn mixed reactions from the chess community.