ദുബൈ: രാജ്യം നേരിട്ട സമീപകാല പ്രതിസന്ധികളെ ഐക്യത്തോടെ അതിജീവിച്ചതിന്റെ അടയാളമായി വീടുകളിലും സ്ഥാപനങ്ങളിലും ദേശീയ പതാക ഉയർത്താൻ ആഹ്വാനം ചെയ്ത് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം. പൗരന്മാരും താമസക്കാരും ഒരേ മനസ്സോടെ പതാകയ്ക്ക് കീഴിൽ അണിനിരക്കണമെന്ന് അദ്ദേഹം എക്സ് (X) പ്ലാറ്റ്‌ഫോമിലൂടെ അഭ്യർത്ഥിച്ചു.

യുഎഇയുടെ ശക്തിയുടെയും അഭിമാനത്തിന്റെയും പ്രതീകമാണ് ദേശീയ പതാകയെന്ന് ശൈഖ് മുഹമ്മദ് ഓർമ്മിപ്പിച്ചു. പ്രതിസന്ധികൾക്ക് ശേഷം രാജ്യം കൂടുതൽ കരുത്തോടും യോജിപ്പോടും കൂടി മുന്നേറുകയാണ്. രാജ്യത്തിന്റെ സ്വത്വവും ഐക്യദാർഢ്യവും പ്രകടിപ്പിക്കാൻ എല്ലാവരും പതാക ഉയർത്തണമെന്ന് അദ്ദേഹം പറഞ്ഞു.

ALSO READ: യുഎഇയിൽ തിങ്കളാഴ്ച വരെ മഴയ്ക്കും പൊടിക്കാറ്റിനും സാധ്യത; വാഹനമോടിക്കുന്നവർക്ക് ജാഗ്രതാനിർദ്ദേശവുമായി അധികൃതർ

"നമ്മുടെ രാജ്യത്തെക്കുറിച്ചും പ്രസിഡന്റിനെക്കുറിച്ചും സായുധ സേനയെക്കുറിച്ചും നമുക്ക് അഭിമാനമുണ്ട്. കരുത്തുറ്റ സമ്പദ്‌വ്യവസ്ഥയും കഠിനാധ്വാനികളായ ജനതയുമാണ് നമ്മുടെ കരുത്ത്," അദ്ദേഹം കുറിച്ചു. എല്ലാ കെട്ടിടങ്ങളിലും വീടുകളിലും പതാക ഉയർത്തുന്നത് രാജ്യത്തോടുള്ള വിശ്വസ്തതയുടെ അടയാളമാണെന്നും യുഎഇയുടെ തുടർച്ചയായ സമൃദ്ധിക്കായി പ്രാർത്ഥിക്കുന്നുവെന്നും അദ്ദേഹം കൂട്ടിച്ചേർത്തു.

UAE Vice President Sheikh Mohammed bin Rashid Al Maktoum calls on citizens and residents to hoist the UAE flag as a symbol of unity and national pride.