രാവിലെ കൂടിയ സ്വര്‍ണവില ഉച്ചയ്ക്ക് ശേഷം തിരിച്ചിറങ്ങി. പശ്ചിമേഷ്യയിലെ യുദ്ധഭീതിയ്ക്ക് താല്‍ക്കാലിക വിരാമമായതോടെയാണ് രാവിലെ സ്വര്‍ണവിലയില്‍ കുതിപ്പ് രേഖപ്പെടുത്തിയത്. രാവിലെ പവന് 600 രൂപയാണ് വര്‍ധിച്ചത്.യുദ്ധത്തില്‍ താല്‍ക്കാലിക വെടിനിര്‍ത്തല്‍ പ്രാബല്യത്തിലെത്തിയതിന് പിന്നാലെ കഴിഞ്ഞ ദിവസം സ്വര്‍ണവിലയില്‍ നേരിയ കുറവ് രേഖപ്പെടുത്തിയിരുന്നു. 

രാജ്യാന്തര വിപണിയില്‍ ഇന്ന് വില കുറഞ്ഞിരിക്കുകയാണ്. ഹോര്‍മുസ് കടലിടുക്ക് തുറക്കുന്നത് സംബന്ധിച്ചുള്ള ്അനിശ്ചിതത്വം നിലനില്‍ക്കുന്നതിനാല്‍ രാജ്യാന്തര എണ്ണവില വീണ്ടും കൂടാന്‍ കാരണമായിട്ടുണ്ട്. ഇതാണ് സ്വര്‍ണവിലയ്ക്ക് തിരിച്ചടിയായത്. സ്വര്‍ണം ഔണ്‍സിന് 42 ഡോളര്‍ ഇടിഞ്ഞ് 4749 ഡോളറാണ് നിലവില്‍ രാജ്യാന്തര വില. 

യുദ്ധം അവസാനിപ്പിച്ച് സമാധാനത്തിന്റെ പാത പിന്തുടരാന്‍ ഇറാനും യു.എസ്- ഇസ്‌റാഈല്‍ സഖ്യവും തീരുമാനിച്ചാല്‍ എണ്ണ വില താഴുകയും സ്വര്‍ണവില കുതിക്കുകയും ചെയ്‌തേക്കും. എന്നാല്‍ ചര്‍ച്ച പരാജയപ്പെട്ടാല്‍ എണ്ണ വില കുതിക്കുകയും സ്വര്‍ണവില താഴേക്ക് നീങ്ങുകയും ചെയ്യും. 

ഇപ്പോഴത്തെ സ്വര്‍ണവില

പവന് 480 രൂപ കുറഞ്ഞ് 1,11,720 രൂപയായി. ഗ്രാമിന് 60 രൂപ കുറഞ്ഞ് 13,965 രൂപയായി. രാവിലെ പവന് 600 രൂപയും ഗ്രാമിന് 75 രൂപയും വര്‍ധിച്ചിരുന്നു. 

18 കാരറ്റ് സ്വര്‍ണവില ഗ്രാമിന് 50 രൂപ കുറഞ്ഞ് 11,545 രൂപയായി.  

Gold prices showed volatility today, rising in the morning session before declining by the evening. The fluctuation reflects ongoing uncertainty in the market, influenced by global trends and investor sentiment. Analysts suggest that such short-term movements are common and advise investors to stay cautious while making decisions.