കണ്ണൂര്‍: വോട്ടറായ സ്ത്രീയുടെ സമ്മതമില്ലാതെ ഓപ്പണ്‍ വോട്ട് ചെയ്യുന്നതിന് കൂട്ടുനിന്ന വനിതാ പഞ്ചായത്ത് അംഗത്തിനെതിരേ കേസെടുത്തു. അഴീക്കോട് പഞ്ചായത്ത് 13ാം വാര്‍ഡ് മെംബറായ ഷംന (35) ക്കെതിരേയാണ് കലക്ടറുടെ നിര്‍ദേശത്തെ തുടര്‍ന്ന് വളപട്ടണം പൊലിസ് കേസെടുത്തത്. അഴീക്കോട് സെന്‍ട്രല്‍ എല്‍.പി സ്‌കൂള്‍ 32ാം ബൂത്തിലെ വോട്ട് ചെയ്യാനെത്തിയ പുന്നക്കപ്പാറയിലെ കെ. ഹനീഫയുടെ വോട്ട് തന്റെ സമ്മതമില്ലാതെ പഞ്ചായത്ത് മെംബര്‍ ഓപണ്‍ വോട്ട് ചെയ്തതായി കാണിച്ച് തെരഞ്ഞെടുപ്പ് ദിനത്തില്‍ ഉച്ചയോടെ കലക്ടര്‍ക്ക് പരാതി നല്‍കിയിരുന്നു.

കന്നി വോട്ടറായ പേരമകനോടൊപ്പം രാവിലെ 11.30നാണ് ഹനീഫ വോട്ടുചെയ്യാനെത്തിയത്. കാലുവേദനയെ തുടര്‍ന്ന് ബൂത്തില്‍ ഇരിക്കവെ പഞ്ചായത്ത് മെംബര്‍ വന്ന് തന്നോട് സ്ലിപ് ആവശ്യപ്പെട്ടുവെന്നും അതിനുശേഷം തന്റെ സമ്മതമില്ലാതെ ഓപണ്‍ വോട്ട് ചെയ്തതായും കലക്ടര്‍ക്ക് നല്‍കിയ പരാതിയില്‍ പറഞ്ഞിരുന്നു. ഇതിനെ ചോദ്യം ചെയ്തതോടെ തന്നെ ബൂത്തില്‍ നിന്നും പുറത്താക്കുകയായിരുന്നുവെന്ന് വോട്ടറായ ഹനീഫ പറഞ്ഞു. വൈകീട്ടോടെ പുന്നക്കപ്പാറയിലെ വീട്ടിലെത്തിയ വളപട്ടണം പൊലിസ് മൊഴി രേഖപ്പെടുത്തി.

A case has been registered against a CPM panchayat member in Kannur for allegedly conducting an open vote without the voter’s consent. The incident has raised serious concerns over violation of electoral norms and voter privacy. Authorities have initiated legal proceedings, and further investigation is underway.