കോഴിക്കോട്: ജില്ലയിലെ സ്വകാര്യ ആശുപത്രി നഴ്‌സുമാരുടെ സമരം ഒത്തുതീര്‍പ്പായി. ശമ്പളവര്‍ധനവ് ഉള്‍പ്പെടെയുള്ള കാര്യങ്ങളില്‍ മാനേജ്‌മെന്റുമായി നടത്തിയ ചര്‍ച്ചയില്‍ തീരുമാനമായതായാണ് റിപ്പോര്‍ട്ട്. ഇതോടെ ജില്ലയില്‍ രാപ്പകല്‍ സമരം അവസാനിപ്പിച്ചതായും നഴ്‌സുമാര്‍ അറിയിച്ചു.

ബേബി മെമ്മോറിയല്‍ ആശുപത്രിയില്‍ തുടക്ക ശമ്പളം 36000 രൂപയും, മെയ്ത്രയില്‍ 37000 രൂപയുമാക്കി ഉയര്‍ത്തും. ആറു ആശുപത്രി മാനേജ്‌മെന്റുകളുമായി നടത്തിയ ചര്‍ച്ച വിജയം കണ്ടെന്നും നഴ്‌സുമാര്‍ അറിയിച്ചു. 

ALSO READ: അയാൾ അധ്യാപകനല്ല, മൃ​ഗം ! നിതിന്റെ മരണത്തിൽ ​ഗുരുതര വെളിപ്പെടുത്തലുമായി സഹപാഠികൾ 

ഇനി സംസ്ഥാനത്ത് മൂന്ന് ആശുപത്രികളില്‍ മാത്രമാണ് സമരം ഒത്തുതീര്‍പ്പാക്കാനുള്ളത്. വെള്ളിയാഴ്ച്ച മുതല്‍ യുഎന്‍എയുടെ നേതൃത്വത്തില്‍ തുടങ്ങിയ രാപ്പകല്‍ സമരമാണ് വിജയം കണ്ടത്. ഒരുമാസം മുന്‍പ് ശമ്പളവര്‍ധന ആവശ്യപ്പെട്ടുകൊണ്ടുള്ള നഴ്‌സുമാരുടെ സമരം ഹൈക്കോടതി ഇടപെടലിനെ തുടര്‍ന്ന് നിര്‍ത്തിവെച്ചിരുന്നു. പിന്നീട് നടപടിയൊന്നും ആവാത്തതിനാല്‍ സമരം വീണ്ടും പുനരാരംഭിക്കുകയായിരുന്നു.