കോതമംഗലം: എറണാകുളം കുട്ടമ്പുഴയിൽ നിയമവിരുദ്ധമായ മദ്യവിൽപനയെക്കുറിച്ച് എക്സൈസിന് വിവരം നൽകിയ പഞ്ചായത്തംഗത്തിന് മദ്യമാഫിയയുടെ ക്രൂരമർദനം. കുട്ടമ്പുഴ പഞ്ചായത്ത് അംഗം ബിന്ദു രാജേന്ദ്രനാണ് സംഘത്തിന്റെ അക്രമത്തിനിരയായത്. ആക്രമണത്തിൽ ബിന്ദുവിന്റെ വസ്ത്രങ്ങൾ വലിച്ചുകീറുകയും ശാരീരികമായി ഉപദ്രവിക്കുകയും ചെയ്തതായി പരാതിയുണ്ട്. ബിന്ദുവിനെ മർദിക്കുന്നത് തടയാൻ ശ്രമിച്ച കുടുംബാങ്ങൾക്ക് നേരെയും അക്രമം നടന്നു.

ALSO READ: കുടുംബവഴക്കിനെച്ചൊല്ലി വീടുവിട്ടിറങ്ങിയ സ്ത്രീ കടുവ ആക്രമണത്തിൽ കൊല്ലപ്പെട്ടു

കഴിഞ്ഞ ദിവസം രാത്രി പത്ത് മണിയോടെയാണ് അനിഷ്ട സംഭവങ്ങൾ അരങ്ങേറിയത്. പ്രദേശത്തെ ഒരു ക്ലബ്ബിന്റെ വിഷു ആഘോഷങ്ങളിൽ പങ്കെടുത്ത ശേഷം വീട്ടിലേക്ക് മടങ്ങുകയായിരുന്നു ബിന്ദുവും കുടുംബവും. ഈ സമയത്താണ് സംഘം ഇവരെ തടഞ്ഞുനിർത്തി ആക്രമിച്ചത്. മദ്യവിൽപനയെക്കുറിച്ച് എക്സൈസ് ഉദ്യോഗസ്ഥരെ അറിയിച്ചതിലുള്ള വിരോധമാണ് ആക്രമണത്തിന് പിന്നിലെന്ന് പറയപ്പെടുന്നു.

സംഭവത്തിൽ ബിന്ദുവിനെയും കുടുംബത്തെയും ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. പൊലിസും എക്സൈസും അന്വേഷണം ഊർജ്ജിതമാക്കിയിട്ടുണ്ട്.

A woman panchayat member, Bindu Rajendran, was allegedly assaulted by a group of illegal liquor sellers in Kothamangalam, Ernakulam. The attack occurred around 10:00 PM while she was returning from a Vishu celebration with her family.