പാലക്കാട്: വിഷു ആഘോഷങ്ങൾക്കിടെ സംസ്ഥാനത്തെ നടുക്കി വീണ്ടും പടക്ക അപകടം. പാലക്കാട് ശ്രീകൃഷ്ണപുരത്ത് പടക്കം പൊട്ടിക്കുന്നതിനിടെ കൈയിലിരുന്ന് ഗുണ്ട് പൊട്ടിത്തെറിച്ച് യുവാവ് മരിച്ചു. വെള്ളപ്പാംതൊടി സ്വദേശി ദിലീപ് (32) ആണ് മരിച്ചത്.

അപകടത്തിൽ ഗുരുതരമായി പൊള്ളലേറ്റ ദിലീപിനെ ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പടക്കം കൈയിൽ വെച്ച് കത്തിക്കാൻ ശ്രമിക്കവെ അപ്രതീക്ഷിതമായി പൊട്ടിത്തെറിക്കുകയായിരുന്നുവെന്നാണ് പ്രാഥമിക വിവരം.

കൊയിലാണ്ടിയിലെ ദുരന്തത്തിൽ വില്ലനായത് യൂട്യൂബ് പരീക്ഷണം

അതേസമയം കഴിഞ്ഞ ദിവസം കൊയിലാണ്ടിയിൽ പതിനാറുകാരൻ മരിച്ച സംഭവത്തിൽ നടുക്കുന്ന വിവരങ്ങളാണ് പുറത്തുവരുന്നത്. യൂട്യൂബ് വീഡിയോ കണ്ട് സ്റ്റീൽ പാത്രത്തിനടിയിൽ വെച്ച് പടക്കം പൊട്ടിക്കാൻ ശ്രമിച്ചതാണ് അദ്വൈതിന്റെ ജീവൻ കവർന്നത്. കൊരയങ്ങാട് സ്വദേശിയായ അദ്വൈത് വിഷുദിനത്തിൽ വീടിന് സമീപത്തെ ഗ്രൗണ്ടിൽ സുഹൃത്തുക്കളോടൊപ്പം പടക്കം പൊട്ടിക്കുകയായിരുന്നു.

യൂട്യൂബ് വീഡിയോ കണ്ട് സ്റ്റീൽ പാത്രത്തിനടിയിൽ പടക്കം വെച്ച് പൊട്ടിച്ചപ്പോൾ, പാത്രം തുണ്ടുകളായി തെറിക്കുകയും ഒരു ചില്ല് അദ്വൈതിന്റെ തോളിൽ ആഴത്തിൽ തുളച്ചു കയറുകയുമായിരുന്നു. ആശുപത്രിയിൽ എത്തുന്നതിന് മുമ്പ് തന്നെ മരണം സംഭവിച്ചിരുന്നു. പത്താം ക്ലാസ് പരീക്ഷ കഴിഞ്ഞ് ഫലം കാത്തിരിക്കുകയായിരുന്നു അദ്വൈത്.

സംഭവത്തിൽ കൊയിലാണ്ടി പൊലിസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്. പടക്കങ്ങൾ ഉപയോഗിക്കുമ്പോൾ അതീവ ജാഗ്രത പാലിക്കണമെന്നും ഇത്തരം അപകടകരമായ പരീക്ഷണങ്ങൾ ഒഴിവാക്കണമെന്നും അധികൃതർ കർശന നിർദ്ദേശം നൽകിയിട്ടുണ്ട്.

Following the tragic incident in Koyilandy, another fatal firecracker accident has occurred in Palakkad. A young man lost his life after a powerful firecracker, locally known as a 'gundu,' prematurely exploded while he was holding it. This marks the second such tragedy in a short span, raising serious concerns over firework safety in the region.