ന്യൂഡല്‍ഹി: കെ.സി വേണുഗോപാലിനെ മുഖ്യമന്ത്രി സ്ഥാനത്തേക്ക് പരിഗണിക്കണമെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയോട് ആവശ്യപ്പെട്ടതായി കെ. സുധാകരന്‍. പരിചയസമ്പത്തും സീനിയോറിറ്റിയും ഉള്ള ആള്‍ മുഖ്യമന്ത്രിയാകണമെന്നാണ് തന്റെ നിര്‍ദേമെന്ന് അദ്ദേഹം പറഞ്ഞു. 

ഇപ്പോള്‍ നടക്കുന്ന ചര്‍ച്ചകള്‍ അനാവശ്യമാണ്. മാധ്യമങ്ങളാണ് ചര്‍ച്ചകള്‍ നടത്തുന്നത്. ഞാന്‍ എവിടെയും മൈക്ക് വെച്ച് പ്രസംഗിച്ചില്ല. പാര്‍ലമെന്റില്‍ വെച്ച് ഖാര്‍ഗെയെ കണ്ട് പറയാന്‍ ആഗ്രഹിച്ചത് പറഞ്ഞു. രമേശ് ചെന്നിത്തലയുടെ പേരാണ് ഞാന്‍ മുന്‍പ് പറഞ്ഞത്. ഭരണപരമായ പ്രവൃത്തി പരിചയം കൊണ്ടാണ് ചെന്നിത്തലയെ നിര്‍ദേശിച്ചത്. ഇപ്പോള്‍ ചടുലമായ പ്രവര്‍ത്തനമാണ് ആവശ്യം. കെസി വേണുഗോപാലിന് അതുണ്ട്. ജനങ്ങളുടെ മുന്‍ഗണനയെ പറ്റിയാണ് സംസാരിച്ചതെന്നും സുധാകരന്‍ കൂട്ടിച്ചേര്‍ത്തു. 

ALSO READ: പോര്‍ക്ക് മന്തി വിളമ്പുന്ന റംസാന്‍ ആശംസ കാര്‍ഡ്; ചേര്‍ത്തല സ്വദേശിക്കെതിരെ കേസെടുത്ത് പൊലിസ്  

കോൺഗ്രസിൽ മുഖ്യമന്ത്രി ചർച്ച രൂക്ഷമായി തുടരവേയാണ് പാർലമെന്റിൽ വെച്ച് കൂടിക്കാഴ്ച നടത്തിയത്. മുഖ്യമന്ത്രി ആരാകണമെന്ന അഭിപ്രായം കെ സുധാകരൻ ഖാർഗെയെ അറിയിക്കുകയായിരുന്നു. കെ സി വേണുഗോപാൽ മുഖ്യമന്ത്രിയാകണമെന്ന താൽപര്യം കെ സുധാകരൻ സമൂഹമാധ്യമങ്ങളിലൂടെയും അല്ലാതെയും നേരത്തെ പ്രകടിപ്പിച്ചിട്ടുണ്ട്. തെരഞ്ഞെടുപ്പ് ഫലം വരും മുൻപുള്ള മുഖ്യമന്ത്രി ചർച്ചകളിൽ തെറ്റില്ല എന്നാണ് സുധാകരന്റെ വാദം. അതിനിടെ കേരളത്തിന്റെ ചുമതലയുള്ള നേതാവ് ദീപ ദാസ് മുൻഷി കോൺഗ്രസ് സംഘടനാ കാര്യ ജനറൽ സെക്രട്ടറി കെ സി വേണുഗോപാലുമായി കൂടിക്കാഴ്ച നടത്തി. എന്നാൽ, കെ സുധാകരൻ ഖാർഗെ കൂടിക്കാഴ്ചയിൽ പ്രതികരിക്കാൻ കെസി വേണുഗോപാൽ തയ്യാറായിട്ടില്ല.

K. Sudhakaran said he has requested Mallikarjun Kharge to consider K. C. Venugopal for the chief minister post.