ഇടുക്കി:  കെ.സി വേണുഗോപാലിനെ പുകഴ്ത്തിയും വി.ഡി സതീശനെ കുത്തിയും എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. കെ.സി വേണുഗോപാല്‍ മിടുക്കനാണെന്നും തെരഞ്ഞെടുപ്പില്‍ പിന്നണിയില്‍ നിന്ന് കാര്യങ്ങള്‍ നിയന്ത്രിച്ചത് അദ്ദേഹമാണെന്നും വെള്ളാപ്പള്ളി പറഞ്ഞു. 

വി.ഡി. സതീശന്‍ ടിവിയില്‍ വന്ന് കാര്യങ്ങള്‍ പറയുന്നുണ്ടെങ്കിലും യഥാര്‍ത്ഥത്തില്‍ കളി നിയന്ത്രിച്ചതും പ്രശ്‌നങ്ങള്‍ പരിഹരിച്ചതും വേണുഗോപാലാണെന്നും അദ്ദേഹം പറഞ്ഞു.അതുകൊണ്ടുതന്നെ മുഖ്യമന്ത്രിയാകാന്‍ കെ.സി വേണുഗോപാല്‍ അയോഗ്യനാണ് എന്ന് താന്‍ പറയില്ല. രമേശ് ചെന്നിത്തലയെ അപ്രസക്തനാക്കാന്‍ കഴിയില്ലെന്നും അദ്ദേഹം പറഞ്ഞു. 

ജയിച്ചുവന്നാല്‍ കോണ്‍ഗ്രസിലെ എല്ലാവരും മുഖ്യമന്ത്രിയാകാന്‍ യോഗ്യരാണ്. തെരഞ്ഞെടുപ്പ് കഴിയുമ്പോള്‍ എല്ലാം അവസാനിക്കുമെന്ന് താന്‍ നേരത്തെ പറഞ്ഞതാണ്. അവസാനം സ്വര്‍ണവും ഉണ്ടാകില്ല അന്വേഷണവും ഉണ്ടാകില്ലെന്നും വെള്ളാപ്പള്ളി കൂട്ടിച്ചേര്‍ത്തു. 

SNDP leader Vellappally Natesan has praised K. C. Venugopal for his behind-the-scenes work, while criticising Opposition Leader V. D. Satheesan for being active mainly on television. The remarks have sparked political discussions in Kerala, highlighting internal dynamics and differing perceptions of leadership within the opposition camp.