പാലക്കാട്: അട്ടപ്പാടിയില്‍ വയോദികനെ തലയ്ക്കടിച്ചു കൊന്നു യുവതി. അട്ടപ്പാടി ദാസന്നൂര്‍ ആദിവാസി ഊരിലാണ് വയോധികനെ ബന്ധുവായ യുവതി കല്ലുകൊണ്ട് തലയ്ക്കടിച്ച് കൊലപ്പെടുത്തിയത്. ഊരുനിവാസിയായ കാളിയപ്പന്‍ (60) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് ഇയാളുടെ ബന്ധുവായ ചിത്രയെ പൊലിസ് അറസ്റ്റ് ചെയ്തു.

ഇരുവരും തമ്മില്‍ മദ്യപിക്കുന്നതിനിടെ ഉണ്ടായ തര്‍ക്കമാണ് കൊലപാതകത്തില്‍ കലാശിച്ചതെന്ന് പൊലിസ് പറഞ്ഞു. വാക്കുതര്‍ക്കത്തിനിടെ പ്രകോപിതയായ ചിത്ര സമീപമിരുന്ന കല്ലെടുത്ത് കാളിയപ്പന്റെ തലയ്ക്ക് ഇടിക്കുകയായിരുന്നു. ഗുരുതരമായി പരിക്കേറ്റ കാളിയപ്പന്‍ സംഭവസ്ഥലത്തു വച്ചുതന്നെ മരണപ്പെട്ടു. അഗളി പൊലിസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി. പ്രതിയെ കോടതിയില്‍ ഹാജരാക്കുന്നതാണ്.

A 60-year-old man was brutally murdered by a female relative following a drunken brawl in Attappadi, leading to her immediate arrest by the police.