കാസര്‍കോട്: പതിനേഴുകാരനെ പീഡിപ്പിച്ചെന്ന പരാതിയില്‍ യുവതിക്കെതിരെ പോക്‌സോ കേസ്. രാജപുരം പൊലിസ് സ്റ്റേഷന്‍ പരിധിയില്‍ താമസിക്കുന്ന പതിനേഴുകാരന്റെ പരാതിയിലാണ്മുപ്പത്തിയാറുകാരിക്കെതിരെ ഹൊസ്ദുര്‍ഗ് പൊലിസ് പോക്‌സോ പ്രകാരം കേസെടുത്തത്. 

സംഭവം നടന്നത് രാജപുരം പൊലിസ് സ്റ്റേഷന്‍ പരിധിയിലായതിനാല്‍ കേസ് ഈ സ്‌റ്റേഷനിലേക്ക് കൈമാറുകയായിരുന്നു.

ഹൊസ്ദുര്‍ഗ് പൊലിസ് രജിസ്റ്റര്‍ ചെയ്ത മറ്റൊരു പോക്‌സോ കേസിലെ പ്രതിയാണ് പതിനേഴുകാരന്‍.ഈ കേസില്‍ കസ്റ്റഡിയില്‍ എടുത്തു ചോദ്യം ചെയ്തപ്പോഴാണ് നേരത്തെ യുവതി പീഡിപ്പിച്ച വിവരം പതിനേഴുകാരന്‍ വെളിപ്പെടുത്തിയത്. തുടര്‍ന്ന് യുവതിക്കെതിരെ പൊലിസ് കേസെടുക്കുകയായിരുന്നു.

സംഭവത്തെക്കുറിച്ച് കൂടുതല്‍ അന്വേഷണം നടത്തുകയാണെന്ന് രാജപുരം പൊലിസ് അറിയിച്ചു.