ന്യൂഡല്‍ഹി:  തൊണ്ടിമുതല്‍ കേസില്‍ ആന്റണി രാജുവിന് വീണ്ടും തിരിച്ചടി. ശിക്ഷാവിധിക്കെതിരെ ആന്റണി രാജു നല്‍കിയ അപ്പീല്‍ സുപ്രിംകോടതി തള്ളി. ഹൈക്കോടതി പരാമര്‍ശങ്ങള്‍ നീക്കണമെന്ന ആവശ്യവും കോടതി അംഗീകരിച്ചില്ല. ജസ്റ്റിസ് ദീപാങ്കര്‍ അധ്യക്ഷനായ ബെഞ്ചാണ് ഹരജി പരിഗണിച്ചത്. 

ഇക്കാര്യം ആവശ്യപ്പെട്ടുകൊണ്ട് നേരത്തെ ആന്റണി രാജു ഹൈക്കോടതിയേയും സമീപിച്ചിരുന്നു. എന്നാല്‍ ശിക്ഷ മരവിപ്പിക്കണമെന്ന ആവശ്യം ഹൈക്കോടതി തള്ളിയതോടെ ആന്റണി രാജുവിന് തെരഞ്ഞെടുപ്പില്‍ മത്സരിക്കാനായിരുന്നില്ല.

നേരത്തെ ആന്റണി രാജുവിനെ കുറ്റക്കാരനാണെന്ന് കണ്ടെത്തി നെടുമങ്ങാട് ജുഡീഷ്യല്‍ മജിസ്‌ട്രേറ്റ് കോടതി മൂന്ന് വര്‍ഷത്തെ തടവും 10,000 രൂപ പിഴയും ശിക്ഷ വിധിച്ചിരുന്നു.

മൂന്നുവര്‍ഷത്തെ തടവ് അദ്ദേഹത്തെ എം.എല്‍.എ സ്ഥാനത്ത് നിന്ന് അയോഗ്യനാക്കി. ജനപ്രാതിനിധ്യ നിയമത്തിലെ സെക്ഷന്‍ 8(3) പ്രകാരം അടുത്ത തെരഞ്ഞെടുപ്പില്‍ മത്സരിക്കുന്നതില്‍ നിന്ന് വിലക്കിയിരുന്നു. തുടര്‍ന്ന് മജിസ്‌ട്രേറ്റ് കോടതി വിധിയെ ചോദ്യംചെയ്ത് ആന്റണി രാജു തിരുവനന്തപുരം സെഷന്‍സ് കോടതിയില്‍ അപ്പീല്‍ നല്‍കി. അയോഗ്യത പ്രാബല്യത്തില്‍ വരുന്നത് തടയാന്‍ ശിക്ഷ സ്റ്റേ ചെയ്യണമെന്നായിരുന്നു ആവശ്യം.

സെഷന്‍സ് കോടതി അപ്പീല്‍ വാദം കേള്‍ക്കാന്‍ സ്വീകരിച്ചെങ്കിലും ഫെബ്രുവരി 17ന് പുറപ്പെടുവിച്ച ഉത്തരവ് വഴി ശിക്ഷ സ്റ്റേ ചെയ്യാന്‍ വിസമ്മതിച്ചു. ഇതേത്തുടര്‍ന്നാണ് തന്റെ ഇടക്കാല ഹരജി തള്ളിയ സെഷന്‍സ് കോടതിയുടെ ഉത്തരവിനെതിരേ ആന്റണി രാജു ഹൈക്കോടതിയെ സമീപിച്ചത്. 

The Kerala High Court has dismissed the petition filed by former Transport Minister and MLA Antony Raju, seeking a stay on his conviction in the 1990 evidence tampering case