കൊല്‍ക്കത്ത: തൃണമൂല്‍ കോണ്‍ഗ്രസിനും മമത ബാനര്‍ജിക്കും വീണ്ടും തിരിച്ചടി. രാജ്യസഭാംഗം സുഷ്മിത ദേവ് രാജിവെച്ചു. കഴിഞ്ഞ ദിവസം പോലും തൃണമൂല്‍ കോണ്‍ഗ്രസ് വിമതരെ കടുത്ത ഭാഷയില്‍ വിമര്‍ശിച്ച സുഷ്്മിതാ ദേവില്‍ നിന്നുമുണ്ടായ അപ്രതീക്ഷിത നീക്കം മമത ക്യാപിനെ ഞെട്ടിച്ചിരിക്കുകയാണ്. ടി.എം.സി രാജ്യസഭാംഗം സുകേന്ദു ശേഖര്‍ റായ് രാജി വെച്ച് ഒരാഴ്ച പിന്നിടും മുന്‍പാണ് സുഷ്മിത ദേവിന്റെ രാജി.

രാജ്യസഭാ അധ്യക്ഷന്‍ സി.പി രാധാകൃഷ്ണന് സുഷ്മിത രാജിക്കത്ത് നല്‍കി.  പാര്‍ട്ടിയുടെ എല്ലാ പദവികളും പ്രാഥമിക അംഗത്വവും ഒഴിയുന്നതായി മമത ബാനര്‍ജിക്കും കത്ത് നല്‍കി. തൊട്ടുപിന്നാലെ അസം മുഖ്യമന്ത്രി ഹിമന്ദ ബിശ്വ ശര്‍മയുമായി സുസ്മിത കൂടിക്കാഴ്ച നടത്തിയത് അവര്‍ ഉടന്‍ ബി.ജെ.പി അംഗത്വം എടുത്തേക്കും എന്നാണ് സൂചന നല്‍കുന്നതെന്നും റിപ്പോര്‍ട്ടുകള്‍ പറയുന്നു. ഒഴിവുവന്ന ഈ രണ്ടു രാജ്യസഭാ സീറ്റുകളും ഇനി ബി.ജെ.പിക്കാണ് ലഭിക്കുക. 

ALSO READ: നീറ്റ് പുനപരീക്ഷ എഴുതാൻ അനുവദിക്കണം; കോടതിയിൽ ഹരജി നൽകി നീറ്റ് ചോദ്യ പേപ്പർ ചോർച്ചയിലെ പ്രതി 

തൃണമൂല്‍ കോണ്‍ഗ്രസ് ലോക്‌സഭ എം.പി സയോണി ഘോഷും വിമത ക്യാംപില്‍ എത്തിയിട്ടുണ്ട്. വിമത നീക്കത്തിന് ശേഷമുള്ള പുനഃസംഘടനയില്‍, മമത ബാനര്‍ജി സയോണി ഘോഷിന് തൃണമൂല്‍ യൂത്ത് കോണ്‍ഗ്രസ് അധ്യക്ഷ ചുമതല നല്‍കിയിരുന്നുവെന്നതാണ് ശ്രദ്ധേയം.

അതിനിടെ, പ്രതിസന്ധിക്കിടെ തൃണമൂല്‍ കോണ്‍ഗ്രസ് ജനറല്‍ സെക്രട്ടറി അഭിഷേക് ബാനര്‍ജി, ഡല്‍ഹിയില്‍ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിയുമായി കൂടിക്കാഴ്ച നടത്തി. മമതാ ബാനര്‍ജി കഴിഞ്ഞദിവസം സോണിയ ഗാന്ധിയെ കണ്ടിരുന്നു.

trinamool congress faces another political setback after rajya sabha mp sushmita dev resigned from the party and parliament.