മുംബൈ: അഫ്ഗാനിസ്ഥാനെതിരായ ഏകദിന പരമ്പരയ്ക്ക് മുന്നോടിയായി ഇന്ത്യന്‍ ടീമിന് വലിയ തിരിച്ചടി. പരുക്കിനെ തുടര്‍ന്ന് ഓള്‍റൗണ്ടര്‍ ഹാര്‍ദിക് പാണ്ഡ്യ പരമ്പരയില്‍ നിന്ന് പുറത്തായി. നേരത്തെ സൂപ്പര്‍ താരം വിരാട് കോലിയും പരുക്കിനെ തുടര്‍ന്ന് ടീമില്‍ നിന്ന് പുറത്തായിരുന്നു.

ഹാര്‍ദിക് പാണ്ഡ്യയെയും രോഹിത് ശര്‍മയെയും അഫ്ഗാനിസ്ഥാനെതിരായ പരമ്പരയ്ക്കുള്ള സ്‌ക്വാഡില്‍ ഉള്‍പ്പെടുത്തിയിരുന്നെങ്കിലും ഫിറ്റ്‌നസ് ക്ലിയറന്‍സ് ലഭിച്ചാല്‍ മാത്രമേ കളിക്കൂവെന്ന് ബി.സി.സി.ഐ വ്യക്തമാക്കിയിരുന്നു. കഴിഞ്ഞ ദിവസം പാണ്ഡ്യ പൂര്‍ണ ഫിറ്റാണെന്ന റിപ്പോര്‍ട്ട് ബോര്‍ഡിന് ലഭിക്കുകയും ചെയ്തിരുന്നു.

എന്നാല്‍ അവസാന പരിശീലന സെഷനിന് ശേഷം താരത്തിന് വീണ്ടും പരുക്കേറ്റതായാണ് വിവരം. ഇതോടെ മൂന്ന് മത്സരങ്ങളടങ്ങിയ ഏകദിന പരമ്പരയിലെ എല്ലാ മത്സരങ്ങളും ഹാര്‍ദിക്കിന് നഷ്ടമായേക്കും.

ALSO READ: കെ.എസ്.ആര്‍.ടി.സിയില്‍ വനിതകള്‍ക്കായുള്ള സൗജന്യയാത്ര 'പ്രിയദര്‍ശിനി' 15ാം തിയ്യതി മുതല്‍; സൗകര്യം ഓര്‍ഡിനറി ബസുകളില്‍ മാത്രം 

സെന്റര്‍ ഓഫ് എക്‌സലന്‍സ് ഹാര്‍ദിക്കിനെ ഫിറ്റായി പ്രഖ്യാപിക്കുകയും ഫിറ്റ്‌നസ് റിപ്പോര്‍ട്ട് ബി.സി.സി.ഐയ്ക്ക് കൈമാറുകയും ചെയ്തിരുന്നു. എന്നാല്‍ അവസാന പരിശീലനത്തിന് ശേഷം ഫിറ്റ്‌നസ് സംബന്ധമായ പുതിയ പ്രശ്‌നങ്ങള്‍ കണ്ടെത്തിയതായാണ് റിപ്പോര്‍ട്ടുകള്‍.

അതേസമയം, വിരാട് കോലിക്ക് പകരം യുവ ഓപ്പണര്‍ യശസ്വി ജയ്‌സ്വാളിയെ ടീമില്‍ ഉള്‍പ്പെടുത്തി.

ജൂണ്‍ 13നാണ് മൂന്ന് മത്സരങ്ങളടങ്ങിയ ഏകദിന പരമ്പരയ്ക്ക് തുടക്കമാകുന്നത്. ജൂണ്‍ 17, 20 തീയതികളിലാണ് ശേഷിക്കുന്ന മത്സരങ്ങള്‍. ഇന്ത്യന്‍ ടീമിനെ ശുഭ്മാന്‍ ഗില്ല് നയിക്കും. ഇഷാന്‍ കിഷന്‍, കെ.എല്‍. രാഹുല്‍  എന്നിവരും ടീമിലുണ്ട്. ശ്രേയസ് അയ്യര്‍ ആണ് ഉപനായകന്‍.

Hardik Pandya also ruled out of Afghanistan series