തിരുവനന്തപുരം: സംസ്ഥാനത്ത് സ്വര്‍ണവിലയില്‍ വര്‍ധനവ്. ഇന്ന് ഒരുപവന്‍ സ്വര്‍ണത്തിന് 1,10,680 രൂപയായി.ഗ്രാമിന് 30 രൂപയുടെ വര്‍ധനയാണ് ഇന്ന് രേഖപ്പെടുത്തിയത്. 13835 രൂപയായാണ് സ്വര്‍ണവില വര്‍ധിച്ചത്. പവന്റെ വിലയില്‍ 240 രൂപയുടെ വര്‍ധനയുണ്ടായി. 

അതേസമയം ഇന്നലെ സ്വര്‍ണവില മൂന്നാംതവണയായ് 2280 രൂപയാണ് പവന് കുറഞ്ഞത്. ഇന്നലെ വൈകീട്ട് 1,12,000 രൂപയായിരുന്നു പവന്‍ വില. ഇന്ന് രാവിലെ പവന് 280 രൂപയും ഉച്ചക്ക് 1440 രൂപയും കുറഞ്ഞു.

ഇന്നലത്തെ വില

22 കാരറ്റ് ഗ്രാമിന് 13,715 രൂപയും പവന് 1,09,720 രൂപയുമായി.

യു.എസില്‍ പണപ്പെരുപ്പം ഉയര്‍ന്നതിനാല്‍ അടുത്ത വര്‍ഷവും ഫെഡറല്‍ റിസര്‍വ് പലിശനിരക്ക് കുറക്കാന്‍ സാധ്യതയില്ലെന്ന റിപ്പോര്‍ട്ടുകളാണ് സ്വര്‍ണവില ഇടിയാനുള്ള പ്രധാന കാരണമായി നിരീക്ഷകര്‍ പറയുന്നത്. യു.എസില്‍ പണപ്പെരുപ്പം ഉയരാനുള്ള പ്രധാന കാരണം എണ്ണവിലയില്‍ രേഖപ്പെടുത്തുന്ന വര്‍ധനയാണ്.

ആഗോളവിപണിയില്‍ സ്വര്‍ണം 44 ഡോളര്‍ ഇടിഞ്ഞ് ട്രോയ് ഔണ്‍സിന് 4571 ഡോളര്‍ എന്ന നിലയിലെത്തിയിട്ടുണ്ട്. വെള്ളി നേരിയ ഇടിവില്‍ 73.52 ഡോളര്‍ എന്ന നിലയിലാണ് ഇന്ന് വ്യാപാരം തുടരുന്നത്.