മലപ്പുറം: എസ്.കെ.എസ്.എസ്.എഫ് മദീനാപാഷനോടനുബന്ധിച്ച് മലപ്പുറം ഏരിയാ കമ്മിറ്റിയുടെ 'തന്‍ബീഹ'് എക്‌സിക്യൂട്ടീവ് ക്യാംപ് ഇന്നു നടക്കും. െൈവകീട്ട് നാലിനു മുണ്ടുപറമ്പ് ഖിദ്മത്തുല്‍ ഇസ്‌ലാം മദ്‌റസയില്‍ ജില്ലാ ജനറല്‍ സെക്രട്ടറി ശഹീര്‍ അന്‍വരി പുറങ്ങ് ഉദ്ഘാടനം ചെയ്യും.
സയ്യിദ് നിയാസലി തങ്ങള്‍ അധ്യക്ഷനാകും. പ്രാസ്ഥാനികം സെഷനില്‍ സംസ്ഥാന ജനറല്‍ സെക്രട്ടറി സത്താര്‍ പന്തലൂര്‍, ആത്മീയം സെഷനില്‍ മുസ്ത്വഫ ഫൈസി വടക്കുമുറി ക്ലാസെടുക്കും. മദീനാ പാഷന്‍ മെസേജ്, ഓര്‍ഗനൈസിങ് വര്‍ക്ക്‌ഷോപ്പ്, പ്രൊജക്റ്റ് സബ്മിറ്റ്, മജ്‌ലിസുന്നൂര്‍ എന്നിവ നടക്കും. മലപ്പുറം, മഞ്ചേരി, മോങ്ങം, ചാപ്പനങ്ങാടി മേഖലകളിലെ പ്രതിനിധികളാണ് ക്യാംപില്‍ സംബന്ധിക്കുന്നത്.