റിയാദ്: ഹജ്ജ് സീസൺ ആരംഭിക്കുന്നതിന് ചുരുങ്ങിയത് 10 ദിവസം മുമ്പെങ്കിലും വാക്സിനേഷനുകൾ എടുത്തിരിക്കണമെന്ന് സഊദി ആരോഗ്യ മന്ത്രാലയം അറിയിച്ചു. തീർഥാടകരുടെ ആരോഗ്യ സുരക്ഷ ഉറപ്പാക്കുന്നതിനും രോഗവ്യാപനം തടയുന്നതിനുമുള്ള ആദ്യ പ്രതിരോധ മാർ​ഗമാണിതെന്നും മന്ത്രാലയം ഓർമപ്പെടുത്തി. തലച്ചോറിനെ ബാധിക്കുന്ന പനി തടയാനായി മെനിഞ്ചൈറ്റിസ്, കോവിഡ് വ്യാപനം തടയാൻ കോവിഡ്-19, സാധാരണ പനിയിൽ നിന്നും സംരക്ഷണം നൽകാനായി സീസണൽ ഇൻഫ്ലുവൻസ തുടങ്ങിയവയാണ് മന്ത്രാലയം നിർദേശിച്ചിട്ടുള്ള പ്രധാന വാക്സിനുകൾ.

ALSO READ: 'മക്ക റൂട്ട്' പദ്ധതി; മൊറോക്കോയിൽ നിന്നുള്ള ആദ്യ തീർഥാടക സംഘം മദീനയിലെത്തി

ജനത്തിരക്ക് പരിഗണിച്ച് രോ​ഗ വ്യാപനം തടയാൻ വാക്സിനുകൾ നിർബന്ധമായും സ്വീകരിക്കണം. സഊദിലുള്ളവർക്ക് 'സീഹത്തി' ആപ്പ് വഴി അപ്പോയിന്റ്മെന്റുകൾ ബുക്ക് ചെയ്ത് വാക്സിനുകൾ സ്വീകരിക്കാവുന്നതാണ്. പരിശോധനയ്ക്ക് ശേഷം ഈ വാക്സിനുകൾ ഒറ്റയ്ക്കോ ഒന്നിച്ചോ തീർഥാടകർക്ക് സ്വീകരിക്കാവുന്നതാണ്. ഗർഭിണികൾ ഉൾപ്പെടെയുള്ളവർക്ക് ഈ വാക്സിനുകൾ സുരക്ഷിതമാണ്. എല്ലാ വാക്സിനുകളും കൃത്യമായ സുരക്ഷാ മാനദണ്ഡങ്ങൾ പാലിക്കുന്നവയാണെന്ന് മന്ത്രാലയം ഉറപ്പുനൽകി. തീർഥാടകർക്ക് ആരോഗ്യകരവും സുരക്ഷിതവുമായ തീർഥാടനം ഉറപ്പാക്കാനാണ് ആരോഗ്യ മന്ത്രാലയം ഈ മുൻകരുതലുകൾ സ്വീകരിക്കുന്നത്.

The Saudi Ministry of Health has mandated that all Hajj pilgrims complete their required vaccinations at least 10 days before the start of the season. To ensure a safe and healthy pilgrimage, the ministry recommends vaccines for meningococcal meningitis, COVID-19, and seasonal influenza. These immunizations, which are safe for all groups including pregnant women, can be booked through the Sehhaty app to help prevent the spread of infections during high-density rituals.