തൃക്കരിപ്പൂര്‍: സന്ദീപ് വാര്യറുടെ റോഡ് ഷോക്ക് നേരെ പടന്ന കടപ്പുറത്തുണ്ടായ ആക്രമണത്തില്‍ കണ്ടാലറിയാവുന്ന നിരവധി യു.ഡി.എഫ്- സി.പി.എം പ്രവര്‍ത്തകര്‍ക്കെതിരെ പൊലിസ് കേസെടുത്തു. തുടര്‍ സംഘര്‍ഷങ്ങളുണ്ടാവാതിരിക്കാന്‍ പ്രദേശത്ത് പൊലിസ് സുരക്ഷ ശക്തമാക്കിയിട്ടുണ്ട്.

സംഭവത്തില്‍ രണ്ട് പേരെ പരുക്കുകളോടെ തൃക്കരിപ്പൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. സി.പി.എം പ്രവര്‍ത്തകരാണ് കല്ലെറിഞ്ഞതെന്ന് യു.ഡി.എഫ് ആരോപിച്ചു. 

ഇന്നലെ വൈകിട്ട് 8:30 മണിയോടെ ആണ് സംഭവം. വലിയപറമ്പ പടന്ന കടപ്പുറത്ത് സംഘടിച്ചു നിന്ന സ്ത്രീകള്‍ ഉള്‍പ്പെടെ ഉള്ളവരാണ് റോഡ് ഷോക്ക് നേരെ കല്ലെറിഞ്ഞതെന്ന് പരിസരവാസികള്‍ പറഞ്ഞു. 

വലിയപറമ്പ മുസ്!ലിം ലീഗ് ജനറല്‍ സെക്രട്ടറി കെ.കെ അമീന്‍, വഴിയാത്രക്കാരനായ മാവില കടപ്പുറം സ്വദേശി കുഞ്ഞി കൃഷ്ണന്‍ എന്നിവര്‍ക്കാണ് കല്ലേറില്‍ പരുക്കേറ്റത്. കൂടാതെ രണ്ട് കാറുകളുടെ ഗ്ലാസും തകര്‍ത്തിട്ടുണ്ട്.