വെസ്റ്റ്ബാങ്കില്‍ ഇസ്‌റാഈല്‍ സൈന്യംനടത്തുന്ന അതിക്രമങ്ങളെ 'വീര സാഹസിക' കൃത്യമായി അവതരിപ്പിച്ച് ഇസ്‌റാഈല്‍ സൈനിക മേധാവി. 1967 മുതല്‍ കാണാത്തത്ര മാരകമായ ബലപ്രയോഗമാണ് വെസ്റ്റ് ബാങ്കില്‍  സൈനികര്‍ നടത്തുന്നതെന്ന് സൈനിക കമാന്‍ഡര്‍ പറഞ്ഞു.

സൈന്യത്തിന്റെ കേന്ദ്ര കമാന്‍ഡിന്റെ തലവനായ മേജര്‍ ജനറല്‍ അവി ബ്ലൂത്തിന്റേതാണ് പരാമര്‍ശം. '1967 ന് ശേഷം ചെയ്യാത്തത്രയും കൊലപാതകങ്ങള്‍' ഇങ്ങനെയാണ് കമാന്‍ഡറുടെ പ്രതികരണം.  കല്ലെറിയുന്ന ഫലസ്തീനികളെ തങ്ങള്‍ മാരകമായി വെടിവച്ചതായും ഇയാള്‍ സ്ഥിരീകരിച്ചുവെന്ന് ദി ഗാര്‍ഡിയന്‍ റിപ്പോര്‍ട്ട് ചെയ്യുന്നു.

നക്‌സ എന്നറിയപ്പെടുന്ന 1967 ല്‍ ഇസ്‌റാഈല്‍ നടത്തിയ കടന്നുകയറ്റത്തെയാണ് സൈനിക മേധാവി ഉദ്ദേശിക്കുന്നത്.  ഒരു 'ജൂത രാഷ്ട്രം' സൃഷ്ടിക്കുക എന്ന ദൗത്യത്തില്‍ സയണിസ്റ്റ് സേന ഏകദേശം 750,000 പലസ്തീനികളെ അവരുടെ മാതൃരാജ്യത്ത് നിന്ന് പുറത്താക്കുകയും അവരുടെ ഗ്രാമങ്ങള്‍ നശിപ്പിക്കുകയും ചെയ്തു. ഇസ്‌റാഈലും അയല്‍ രാജ്യങ്ങളും തമ്മിലുള്ള ആറ് ദിവസത്തെ യുദ്ധമായിരുന്നു അത്. വെസ്റ്റ് ബാങ്ക്, ഗാസ സ്ട്രിപ്പ്, ഗോലാന്‍ കുന്നുകള്‍ എന്നിവയുള്‍പ്പെടെയുള്ള പ്രദേശങ്ങള്‍ ഇസ്‌റാഈല്‍ കൈവശപ്പെടുത്തി.

ALSO READ: 'അവര്‍ നമ്മളെ കൊന്നൊടുക്കാന്‍ രണ്ടാഴ്ച കൂടിയേ ബാക്കിയുള്ളൂ, അതിന് അനുവദിക്കില്ല; യു.എസ് ഇല്ലായിരുന്നെങ്കില്‍ അവര്‍ ഇതിനകം എല്ലാം ഇല്ലാതാക്കിയേനെ'  ഇറാനെതിരായ യുദ്ധത്തെ കുഞ്ഞുങ്ങള്‍ക്ക് മുന്നില്‍ ന്യായീകരിച്ച് ട്രംപ്

'ആരെങ്കിലും ഞങ്ങളെ കൊല്ലാന്‍ വന്നാല്‍ ആദ്യം അവരെ കൊല്ലുക എന്നതാണ് പതിവ്'  ൃബ്ലൂത്ത് പറഞ്ഞു, കഴിഞ്ഞ വര്‍ഷം വെസ്റ്റ് ബാങ്കില്‍ 42 ഫലസ്തീനികളെ വെടിവച്ചതായും അയാള്‍ കൂട്ടിച്ചേര്‍ത്തു. ഫലസ്തീന്‍ ഗ്രാമങ്ങളില്‍ ധാരാളം 'മുടന്തന്‍ സ്മാരകങ്ങള്‍' ഉണ്ട്. വെടിവെപ്പില്‍ പരുക്കേറ്റവരെ ഉദ്ദേശിച്ച് അയാള്‍ പറഞ്ഞു. അതിര് കടക്കാന്‍ ശ്രമിച്ചവരാണ് അവര്‍.   അതിനാല്‍ അതിന് വില നല്‍കേണ്ടിവന്നുവെന്നും ബ്ലൂത്ത് കൂട്ടിച്ചേര്‍ത്തു.

വെസ്റ്റ് ബാങ്കിനും ഇസ്‌റാഈലിനും ഇടയിലുള്ള അതിര്‍ത്തിയായ 'സീം ലൈന്‍'-ലേക്ക് എത്തിയാല്‍ ഫലസ്തീനികളുടെ കാലുകളില്‍ വെടിവയ്ക്കാന്‍ സൈനികര്‍ക്ക് അനുവാദമുണ്ടെന്ന് ബ്ലൂത്ത് ചൂണ്ടിക്കാട്ടി. അനുവാദമില്ലാതെ ഇസ്‌റാഈലിലേക്ക് കടക്കുന്ന ഏതൊരു ഫലസ്തീനിയും ' ഭീകരന്‍' ആയിരിക്കാന്‍ സാധ്യതയുണ്ടെന്നാണ് ബ്ലൂത്ത് പറയുന്നത്. 

ഒക്ടോബര്‍ ഏഴിലെ ആക്രമണങ്ങളെത്തുടര്‍ന്ന് കൂടുതല്‍ ഫലസ്തീനികള്‍ അനുമതിയില്ലാതെ ഇസ്‌റാഈലിലേക്ക് പ്രവേശിക്കാന്‍ ശ്രമിക്കുന്നതിനിടെയാണ് ഈ പരാമര്‍ശങ്ങള്‍. ഗസ്സയില്‍ യുദ്ധം ആരംഭിച്ചതിനുശേഷം ഇസ്‌റാഈല്‍ ഒരു ലക്ഷത്തിലധികം വര്‍ക്ക് പെര്‍മിറ്റുകള്‍ താല്‍ക്കാലികമായി നിര്‍ത്തിവച്ചിരുന്നു.

2023 ഒക്ടോബര്‍ ഏഴ് മുതല്‍ വെസ്റ്റ് ബാങ്കില്‍ 1,080 ല്‍ അധികം ഫലസ്തീനികള്‍ കൊല്ലപ്പെട്ടുണ്ടെന്നാണ് യു.എന്‍ ഓഫിസ് ഫോര്‍ ദി കോര്‍ഡിനേഷന്‍ ഓഫ് ഹ്യൂമാനിറ്റേറിയന്‍ അഫയേഴ്സില്‍ നിന്നുള്ള ഡാറ്റയില്‍ പറയുന്നത്. ഇതില്‍ കുറഞ്ഞത് 235 കുട്ടികളും ഉള്‍പ്പെടുന്നു. 2026 ന്റെ തുടക്കം മുതല്‍ 35 ഫലസ്തീനികള്‍ കൊല്ലപ്പെട്ടിട്ടുണ്ടെന്നും ഡാറ്റ വിശദീകരിക്കുന്നു. 

israel’s military chief avi bluth calls west bank operations since october 7 ‘most lethal since 1967,’ confirming shootings of palestinians and warning of strict enforcement along border areas.