പാലക്കാട്: പാലക്കാട് സി.പി.എമ്മില്‍ പ്രാദേശിക തലത്തില്‍ കൂട്ടരാജി. സി.പി.എം ജില്ലാ നേതൃത്വത്തെ വിമര്‍ശിച്ച ഏരിയ കമ്മിറ്റി അംഗത്തെ തരംതാഴ്ത്തിയതില്‍ പ്രതിഷേധിച്ചാണ് ഇരുപത്തിനാലോളം പേര്‍ പാര്‍ട്ടിയില്‍ നിന്ന് രാജിവച്ചത്. ബ്രാഞ്ച് സെക്രട്ടറിമാരും ലോക്കല്‍ കമ്മിറ്റി അംഗങ്ങളും ഉള്‍പ്പെടെയാണ് രാജി വെച്ചത്. 

കഴിഞ്ഞ ദിവസമാണ് ജില്ലാ നേതൃത്വത്തിനെ വിമര്‍ശിച്ചതിന്, ഏരിയ കമ്മിറ്റി അംഗം അബ്ദുള്‍ ഷുക്കൂറിനെ സി.പി.എം ലോക്കല്‍ കമ്മറ്റിയിലേക്ക് തരംതാഴ്ത്തിയത്. കഴിഞ്ഞ ഒരു വര്‍ഷമായി പാര്‍ട്ടി ജില്ലാ നേതൃത്വം ഷുക്കൂറിനെ വ്യക്തിപരമായ അധിക്ഷേപിച്ചിരുന്നു. ജില്ലാ സെക്രട്ടറി സുരേഷ് ബാബുവുമായുള്ള തര്‍ക്കത്തിന് പിന്നാലെയായിരുന്നു പാര്‍ട്ടി വിട്ടത്. സുരേഷ് ബാബുവിനെ മാറ്റുന്നതു വരെ പാര്‍ട്ടിയില്‍ ഉണ്ടാകുന്നതല്ലെന്നും രാജിവെച്ചവര്‍ പറഞ്ഞു.

ഉദുങ്ങോട്, എ.കെ.ജി നഗര്‍, ഇ.എം.എസ് നഗര്‍, വെണ്ണക്കര ബ്രാഞ്ചുകളില്‍ നിന്നായാണ് രാജി.

The CPM in Palakkad is facing a major internal crisis as around 24 party members have resigned en masse. The protest was triggered by the party's decision to demote a prominent Area Committee member.