ഷാർജ: ബലിപെരുന്നാൾ‍ പ്രമാണിച്ച് ഷാർജയിലെ സ്വകാര്യ സ്കൂളുകൾക്കും അവധി പ്രഖ്യാപിച്ചു. ഷാർജ പ്രൈവറ്റ് എജ്യുക്കേഷൻ അതോറിറ്റി (SPEA) ചൊവ്വാഴ്ച പുറത്തിറക്കിയ അറിയിപ്പ് പ്രകാരം മെയ് 25 തിങ്കളാഴ്ച മുതൽ മെയ് 28 വ്യാഴാഴ്ച വരെയാണ് ഔദ്യോഗിക അവധി.

എന്നാൽ ഷാർജയിലെ മൂന്ന് ദിവസത്തെ വാരാന്ത്യ അവധി (വെള്ളി, ശനി, ഞായർ) കൂടി ഇതിനോടൊപ്പം ചേരുന്നതോടെ വിദ്യാർത്ഥികൾക്ക് തുടർച്ചയായി 10 ദിവസത്തെ വലിയൊരു ഇടവേള ആസ്വദിക്കാനാകും. മെയ് 22 വെള്ളിയാഴ്ച ആരംഭിക്കുന്ന അവധി മെയ് 31 ഞായറാഴ്ച വരെ നീളും. ജൂൺ 1 തിങ്കളാഴ്ചയായിരിക്കും ക്ലാസുകൾ പുനരാരംഭിക്കുക.

ALSO READ: ദുബൈയിലെ സ്വകാര്യ സ്കൂളുകൾക്ക് ബലിപെരുന്നാൾ അവധി പ്രഖ്യാപിച്ചു

ദുബൈയിൽ മെയ് 25 മുതൽ 29 വരെയാണ് സ്കൂൾ അവധിയെങ്കിലും അവിടുത്തെ വാരാന്ത്യ അവധി രണ്ട് ദിവസമായതിനാൽ ഒമ്പത് ദിവസത്തെ ഇടവേളയാകും വിദ്യാർത്ഥികൾക്ക് ലഭിക്കുക. വിദ്യാഭ്യാസ മന്ത്രാലയത്തിന്റെ കലണ്ടർ അനുസരിച്ച് പരീക്ഷകൾക്ക് തൊട്ടുമുമ്പുള്ള ഈ വിനോദയാത്രകൾക്കും വിശ്രമത്തിനുമായി ഉപയോഗിക്കാമെന്ന സന്തോഷത്തിലാണ് കുടുംബങ്ങൾ.

ജ്യോതിശാസ്ത്ര കണക്കുകൂട്ടലുകൾ പ്രകാരം മെയ് 17 ഞായറാഴ്ച ദുൽ ഹിജ്ജ മാസപ്പിറവി ദൃശ്യമായാൽ മെയ് 18 തിങ്കളാഴ്ച മാസം ആരംഭിക്കും. ഇതുപ്രകാരം മെയ് 26 ചൊവ്വാഴ്ച അറഫാ ദിനവും മെയ് 27 ബുധനാഴ്ച ബലിപെരുന്നാളും വരാനാണ് സാധ്യത. എങ്കിലും ചാന്ദ്രദർശന സമിതിയുടെ ഔദ്യോഗിക സ്ഥിരീകരണത്തിന് ശേഷമേ കൃത്യമായ തീയതികൾ ഉറപ്പിക്കാനാകൂ.

Sharjah private schools have announced a 10-day holiday for Eid Al Adha, offering students and families an extended festive break. Schools across the emirate are preparing for the vacation period ahead of the celebrations.