ശ്രീകണ്ഠപുരം: കര്‍ഷക തൊഴിലാളി യൂനിയന്‍ ജില്ലാസമ്മേളനം ശ്രീകണ്ഠപുരത്തെ കാവുമ്പായി നഗറില്‍ ഇന്നു തുടങ്ങും. സ്വാഗതസംഘം ചെയര്‍മാന്‍ പി.വി ഗോപിനാഥ് പതാക ഉയര്‍ത്തും. 18ന് ആര്‍.കൃഷ്ണന്‍ നഗറില്‍ നടക്കുന്ന പ്രതിനിധി സമ്മേളനം കെ.എസ്.കെ.ടി.യു സംസ്ഥാന സെക്രട്ടറി എം.വി ഗോവിന്ദന്‍ ഉദ്ഘാടനം ചെയ്യും. 19ന് വൈകിട്ട് നാലുമണിക്ക് ശ്രീകണ്ഠപുരം ടൗണില്‍ പ്രകടനവും പൊതുസമ്മേളനവും നടക്കും. സമാപന സമ്മേളനം സി.പി.എം സംസ്ഥാന സെക്രട്ടറിയേറ്റംഗം ബേബി ജോണ്‍ ഉദ്ഘാടനം ചെയ്യും.