പാലക്കാട്: കാട്ടുപന്നി കുറുകെ ചാടി ബൈക്ക് യാത്രികനു പരുക്ക്. പാലക്കാട് കരിമ്പുഴയില്‍ കാട്ടുപന്നി ബൈക്ക് ഇടിച്ചു തെറിപ്പിച്ചതിനെ തുടര്‍ന്ന് യാത്രക്കാരനു പരുക്ക്. കരിമ്പുഴ പഞ്ചായത്തിലെ ഡ്രൈവര്‍ മുഹമ്മദ് അഷ്‌കറിനാണ് അപകടത്തില്‍ പരുക്കേറ്റത്. രാവിലെ ഏഴുമണിയോടുകൂടി ബൈക്കില്‍ വരുമ്പോഴായിരുന്നു അപകടം.

പൊമ്പ്ര മണ്ണോട്ടുംപടി ഭാഗത്തുവച്ച് ഓടിയെത്തിയ കാട്ടുപന്നി ബൈക്ക് ഇടിച്ചു തെറിപ്പിക്കുകയായിരുന്നു. ഏകദേശം 50 മീറ്ററോളം ദൂരം ബൈക്ക് തെറിച്ചു പോയി. അഷ്‌കര്‍നിസാര പരുക്കുകളോടെ രക്ഷപ്പെട്ടു. അപകടത്തില്‍ ബൈക്കിന്റെ മുന്‍വശം പൂര്‍ണമായും തകര്‍ന്നു.