കുറ്റ്യാടി: ഉത്തമ സമൂഹസൃഷ്ടിക്ക് ഒരുപാട് കാര്യങ്ങള്‍ ചെയ്യാന്‍ കഴിയുന്ന ജോലിയാണ് അധ്യാപകവൃത്തിയെന്ന് പാറക്കല്‍ അബ്ദുല്ല എം.എല്‍.എ പറഞ്ഞു. കേരള സ്‌കൂള്‍ ടീച്ചേഴ്‌സ് യൂനിയന്‍ (കെ.എസ്.ടി.യു) വടകര വിദ്യാഭ്യാസ ജില്ലാ കമ്മിറ്റി സംഘടിപ്പിച്ച കുടുംബസംഗമം ഉദ്ഘാടനം ചെയ്യുകയായിരുന്നു അദ്ദേഹം.
കിളിയമ്മല്‍ കുഞ്ഞബ്ദുല്ല അധ്യക്ഷനായി. എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം നേടിയവര്‍ക്കുള്ള പുരസ്‌കാരം എം.എല്‍.എ വിതരണം ചെയ്തു. എ.കെ സൈനുദ്ദീന്‍ മുഖ്യപ്രഭാഷണം നടത്തി. വി.കെ മൂസ, പി.കെ അസീസ്, ടി.പി ഗഫൂര്‍, കെ.എം.എ നാസര്‍, ടി.കെ മുഹമ്മദ് റിയാസ്, മണ്ടോടി ബഷീര്‍, ബഷീര്‍ മാണിക്കോത്ത്, കെ.പി കുഞ്ഞമ്മത്, അന്‍വര്‍, പി. കുഞ്ഞബ് സംസാരിച്ചു.