തിരുവമ്പാടി: ശംസുല്‍ ഉലമാ സ്മാരക ഇസ്‌ലാമിക് മിഷന്റെ ആസ്ഥാന മന്ദിരത്തിനു നാളെ വൈകിട്ടു നാലിന് പാണക്കാട് അബ്ബാസലി ശിഹാബ് തങ്ങള്‍ തറക്കല്ലിടും. തിരുവമ്പാടി ടൗണില്‍ മിഷന്റെ പ്രവര്‍ത്തനത്തിന്റെ ഭാഗമായി വിലക്കു വാങ്ങിയ 12 സെന്റ് സ്ഥലത്താണു കെട്ടിടം നിര്‍മിക്കുന്നത്. ചടങ്ങില്‍ കോട്ടുമല ടി.എം ബാപ്പു മുസ്‌ലിയാര്‍ അധ്യക്ഷനാകും.
സമസ്ത മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥനക്കു നേതൃത്വം നല്‍കും. റഹ്മത്തുല്ല ഖാസിമി മൂത്തേടം മുഖ്യപ്രഭാഷണം നടത്തും. ഉമര്‍ ഫൈസി മുക്കം, വി. മോയിമോന്‍ ഹാജി പങ്കെടുക്കും. രാത്രി ഏഴിന് വളാഞ്ചേരി മര്‍കസ് അല്‍ ബുസ്താന്‍ അവതരിപ്പിക്കുന്ന ബുര്‍ദാ മജ്‌ലിസും ഇശല്‍ നൈറ്റും നടക്കും. സമാപന പ്രാര്‍ഥനാ സംഗമത്തിന് സൈനുല്‍ ആബിദീന്‍ തങ്ങള്‍ പാണ്ടിക്കാട് നേതൃത്വം നല്‍കും