തിരുവനന്തപുരം: നിയുക്ത മുഖ്യമന്ത്രി വിഡി സതീശനെ കന്റോണ്‍മെന്റ് ഹൗസിലെത്തി കണ്ട് ആശാ പ്രവര്‍ത്തകര്‍. ആശാവര്‍ക്കര്‍മാരുടെ വേതനം പരിഷ്‌കരിക്കുന്നത് ആദ്യ മന്ത്രിസഭായോഗത്തില്‍ പരിഗണിക്കുമെന്ന് പറഞ്ഞിരുന്നു. ആ വാക്ക് പാലിക്കുമെന്ന് അദ്ദേഹം ഉറപ്പുനല്‍കിയതായി ആശാപ്രവര്‍ത്തകര്‍ വ്യക്തമാക്കി. സമരത്തിന് നല്‍കിയ പിന്തുണയ്ക്ക് നന്ദി പറയാനാണ് എത്തിയതെന്നും ആശാപ്രവര്‍ത്തകര്‍ പറഞ്ഞു.

യു.ഡി.എഫ് ഭരണത്തില്‍ എത്തിയാല്‍ ആശാ പ്രവര്‍ത്തകരുടെ വേതനം വര്‍ദ്ധിപ്പിക്കുമെന്ന് വിഡി സതീശന്‍ നേരത്തെ പ്രഖ്യാപിച്ചിരുന്നു. മിനി, ബിന്ദു, എന്നിവരുടെ നേതൃത്വത്തിലാണ് നിയുക്ത മുഖ്യമന്ത്രിയെ കാണാന്‍ എത്തിയത്.

'വലിയ പിന്തുണയാണ് വി.ഡി സതീശന്‍ സമരസമയത്ത് നല്‍കിയത്. സമരത്തെ വൈകാരികമായാണ് കണ്ടത്. അന്ന് നടത്തിയ പ്രഖ്യാപനം തീരുമാനമായി വരുമെന്ന് പ്രതീക്ഷിക്കുന്നു.സമരത്തിന് നല്‍കിയ പിന്തുണയ്ക്ക് നന്ദി അറിയിക്കാനാണ് ഇന്ന് എത്തിയത്'- ബിന്ദു പറഞ്ഞു.

A delegation of ASHA Workers met V. D. Satheesan and discussed their ongoing concerns and demands related to wages, benefits, and working conditions. During the meeting, Satheesan reportedly assured the workers that the promises made to them would be honoured. The interaction comes amid continued discussions surrounding the welfare and recognition of frontline health workers in Kerala.