ജിദ്ദ: സൗദി അറേബ്യയിലെ വിവിധ മേഖലകളില്‍ ഇന്ന് മുതല്‍ ബുധനാഴ്ച വരെ അതിശക്തമായ ചൂട് തുടരുമെന്ന് ദേശീയ കാലാവസ്ഥാ കേന്ദ്രം (എന്‍സിഎം) മുന്നറിയിപ്പ് നല്‍കി. ഈ ദിവസങ്ങളില്‍ ചില പ്രദേശങ്ങളില്‍ പരമാവധി താപനില 48 ഡിഗ്രി സെല്‍ഷ്യസ് വരെ ഉയരാന്‍ സാധ്യതയുണ്ടെന്നാണ് പ്രവചനം.

ഇന്ന് മുതല്‍ 8 വരെ മക്ക, മദീന മേഖലകളിലെയും കിഴക്കന്‍ പ്രവിശ്യയിലെ ചില ഭാഗങ്ങളിലെയും പരമാവധി താപനില 46 മുതല്‍ 48 ഡിഗ്രി സെല്‍ഷ്യസ് വരെ രേഖപ്പെടുമെന്നാണ് കാലാവസ്ഥാ കേന്ദ്രത്തിന്റെ വിലയിരുത്തല്‍.

അത്യുഷ്ണ കാലാവസ്ഥ തുടരുന്നതിനാല്‍ പൊതുജനങ്ങള്‍ അനാവശ്യമായി നേരിട്ട് സൂര്യപ്രകാശത്തില്‍ സമയം ചെലവഴിക്കുന്നത് ഒഴിവാക്കണമെന്നും ആവശ്യത്തിന് വെള്ളം കുടിച്ച് ശരീരത്തിലെ ജലാംശം നിലനിര്‍ത്തണമെന്നും ബന്ധപ്പെട്ട അധികൃതര്‍ നിര്‍ദേശിച്ചു.

Extremely hot weather is expected to persist across parts of Saudi Arabia from Monday through Wednesday, with maximum temperatures reaching up to 48°C, according to the National Center for Meteorology (NCM).