റിയാദ്: ഈ വര്‍ഷത്തെ ഹജ്ജ് സീസണില്‍ തീര്‍ഥാടകരുടെ സുരക്ഷ ഉറപ്പാക്കുന്നതിനും തിരക്ക് നിയന്ത്രിക്കുന്നതിനുമായി സമഗ്രമായ കര്‍മപദ്ധതിയുമായി സഊദി അറേബ്യ. മക്ക, മദീന, മറ്റ് പുണ്യസ്ഥലങ്ങള്‍ എന്നിവിടങ്ങളിലായി സൈനിക, സിവിലിയന്‍, മെഡിക്കല്‍, സാങ്കേതിക വിഭാഗങ്ങളിലെ വിദഗ്ധരെ വിന്യസിച്ചുകൊണ്ട് സഊദി പ്രതിരോധ മന്ത്രാലയം ഒരുക്കങ്ങള്‍ പൂര്‍ത്തിയാക്കി. സുരക്ഷാസര്‍ക്കാര്‍ ഏജന്‍സികളെ പിന്തുണയ്ക്കാനും തീര്‍ഥാടകരുടെ യാത്ര സുഗമമാക്കാനുമാണ് ഈ സജ്ജീകരണം.
തീര്‍ഥാടകരുടെ തിരക്ക് നിയന്ത്രിക്കുന്നതിനും അപകടകരമായ വസ്തുക്കള്‍ കണ്ടെത്തുന്നതിനും സഊദി ലാന്‍ഡ് ഫോഴ്‌സ് (കരസേന) രംഗത്തുണ്ടാകും. റോയല്‍ സഊദി എയര്‍ഫോഴ്‌സ് വ്യോമാതിര്‍ത്തി നിരീക്ഷിക്കുകയും വ്യോമഗതാഗതം നിയന്ത്രിക്കുകയും അടിയന്തര നിരീക്ഷണ പ്രവര്‍ത്തനങ്ങള്‍ നടത്തുകയും ചെയ്യും. തുറമുഖങ്ങളിലും പുണ്യസ്ഥലങ്ങളിലും സുരക്ഷ ഉറപ്പാക്കാന്‍ നാവികസേനയുടെ ബോംബ് ഡിറ്റക്ഷന്‍ ടീമുകള്‍, ഡ്രോണ്‍ ഓപ്പറേറ്റര്‍മാര്‍, സെര്‍ച്ച് ആന്‍ഡ് റെസ്‌ക്യൂ യൂണിറ്റുകള്‍ എന്നിവയും സജ്ജമാണ്.
തീര്‍ഥാടകര്‍ക്കായി 41 കേന്ദ്രങ്ങളിലാണ് പ്രതിരോധ മന്ത്രാലയത്തിന് കീഴിലുള്ള മെഡിക്കല്‍ സര്‍വീസ് വിഭാഗം ആരോഗ്യ സേവനങ്ങള്‍ ഒരുക്കിയിരിക്കുന്നത്. 1,100ലധികം കിടക്കകളുള്ള ആശുപത്രികളും ക്ലിനിക്കുകളും ഇതില്‍ ഉള്‍പ്പെടുന്നു. 2,160ലധികം മെഡിക്കല്‍ വിദഗ്ധരെയാണ് ഇവിടെ വിന്യസിച്ചിരിക്കുന്നത്. കൂടാതെ, പൂര്‍ണ്ണ സജ്ജീകരണങ്ങളോടെയുള്ള നാല് എയര്‍ ആംബുലന്‍സുകള്‍ (എയര്‍ മെഡിക്കല്‍ ഇവാക്വേഷന്‍ സര്‍വീസ്) ഹജ്ജ് സീസണിലുടനീളം 24 മണിക്കൂറും പ്രവര്‍ത്തിക്കും.
തീര്‍ഥാടകര്‍ക്കായുള്ള മതപരമായ മാര്‍ഗ്ഗനിര്‍ദ്ദേശ പരിപാടികള്‍, വിദേശ മിലിട്ടറി അറ്റാഷെമാരുടെ സന്ദര്‍ശനം എന്നിവയും മന്ത്രാലയം ഈ പദ്ധതിയിലൂടെ ഉറപ്പാക്കുന്നുണ്ട്.

Saudi Defence Ministry Launches Comprehensive Operational Plan for Hajj 2026

Summary: Saudi Arabia’s Ministry of Defence has finalized a comprehensive operational plan to ensure pilgrim safety and streamline crowd management for the 2026 Hajj season. The initiative deploys military, civilian, medical, and technical personnel across Mecca, Medina, and the holy sites to assist local security and government agencies. Assisting with crowd management and the detection of hazardous materials. Monitoring airspace, managing air traffic, and conducting emergency surveillance operations.