കൊല്‍ക്കത്ത: പശ്ചിമബംഗാളിലെ എല്ലാ സ്‌കൂളുകളിലും വന്ദേമാതരം നിര്‍ബന്ധമാക്കിയതിന് പിന്നാലെ സംസ്ഥാനത്തെ മുഴുവന്‍ മദ്രസകളിലും ദേശീയഗീതം ആലപിക്കുന്നത് നിര്‍ബന്ധമാക്കി ബി.ജെ.പി സര്‍ക്കാര്‍. സ്‌കൂളുകളില്‍ ഈ നിയമം നടപ്പിലാക്കി ഒരാഴ്ച്ച തികയും മുന്‍പാണ് ന്യൂനപക്ഷകാര്യ മദ്രസ വിദ്യാഭ്യാസവകുപ്പിന് കീഴിലുള്ള സ്ഥാപനങ്ങള്‍ക്കും ഈ പുതിയ നിര്‍ദേശം നല്‍കിയിരിക്കുന്നത്. 

സംസ്ഥാനത്തുടനീളമുള്ള ന്യൂനപക്ഷകാര്യ, മദ്രസ വിദ്യാഭ്യാസ വകുപ്പിന് കീഴിലുള്ള എല്ലാ മദ്രസകളിലും ക്ലാസുകള്‍ ആരംഭിക്കുന്നതിന് മുന്‍പുള്ള അസംബ്ലി യില്‍ 'വന്ദേമാതരം' ആലപിക്കുന്നത് നിര്‍ബന്ധമാക്കിയിരിക്കുന്നുവെന്ന് മദ്രസ വിദ്യാഭ്യാസ ഡയറക്ടര്‍ പുറപ്പെടുവിച്ച ഉത്തരവില്‍ പറയുന്നു. ഇത് ഉടനടി പ്രാബല്യത്തില്‍ വരുമെന്നും ഉത്തരവിലുണ്ട്.

ദേശീയഗാനത്തിന് തുല്യമായ പദവി വന്ദേമാതരത്തിന് നല്‍കാനുള്ള കേന്ദ്ര തീരുമാനത്തിന് പിന്നാലെയാണ് സുവേന്ദു അധികാരിയുടെ നേതൃത്വത്തിലുള്ള സര്‍ക്കാരിന്റെ പുതിയ നിര്‍ദ്ദേശം. 

ഫെബ്രുവരിയില്‍ കേന്ദ്ര സര്‍ക്കാര്‍ വന്ദേമാതരത്തിന് ദേശീയഗാനമായ ജനഗണമനയുടെ പദവിക്ക് തുല്യമായ പരിഗണന നല്‍കിയിരുന്നു. ഇന്ത്യന്‍ സ്വാതന്ത്ര്യസമര പോരാളികള്‍ക്ക് ആവേശം പകര്‍ന്ന വന്ദേമാതരത്തിന് ദേശീയ?ഗാനത്തിന് തുല്യമായ പദവി നല്‍കണമെന്ന ആവശ്യം നേരത്തെ പാര്‍ലമെന്റിലും ഉയര്‍ന്നിരുന്നു.

The Bharatiya Janata Party government in West Bengal has reportedly made the singing of “Vande Mataram” mandatory in madrasas following a similar directive in schools. The decision has triggered political debate and mixed reactions from various social and religious groups, with supporters calling it a patriotic measure while critics raise concerns over cultural and educational autonomy.