തിരുവനന്തപുരം: മുഖ്യമന്ത്രി വി.ഡി സതീശനെ വ്യക്തിഹത്യ നടത്തുന്ന രീതിയിൽ മോർഫ് ചെയ്ത ചിത്രം നവമാധ്യമങ്ങളിലൂടെ പ്രചരിപ്പിച്ച കെഎസ്ആർടിസി ഡ്രൈവർക്ക് സസ്പെൻഷൻ. നെടുങ്കണ്ടം യൂണിറ്റിലെ ഡ്രൈവറായ എസ്. സുനിൽകുമാറിനെയാണ് അന്വേഷണവിധേയമായി സർവീസിൽ നിന്നും സസ്പെൻഡ് ചെയ്തത്. കെഎസ്ആർടിസി എക്സിക്യൂട്ടീവ് ഡയറക്ടറാണ് ഇത് സംബന്ധിച്ച ഉത്തരവിറക്കിയത്.

തന്റെ വ്യക്തിപരമായ ഫേസ്ബുക്ക് അക്കൗണ്ട് വഴിയാണ് സുനിൽകുമാർ മുഖ്യമന്ത്രിയെ പരിഹസിക്കുന്ന രീതിയിലുള്ള ചിത്രവും കുറിപ്പും പങ്കുവെച്ചത്. ഇതുമായി ബന്ധപ്പെട്ട് കോട്ടയം സി.എം.ഡി സ്ക്വാഡ് ഇൻസ്പെക്ടർ ഷോബി. പി. വിജയൻ നടത്തിയ വിശദമായ അന്വേഷണത്തിലാണ് കുറ്റം തെളിഞ്ഞത്. 1960-ലെ കേരള സിവിൽ സർവ്വീസ് ചട്ടങ്ങളിലെ പത്താം ചട്ടപ്രകാരം ആണ് സസ്പെൻഷൻ അറിയിച്ചുകൊണ്ടുള്ള ഉത്തരവിറക്കിയത്.

സർക്കാർ-അർദ്ധസർക്കാർ സ്ഥാപനങ്ങളിലെ ജീവനക്കാർ സാമൂഹ്യമാധ്യമങ്ങൾ വഴി വ്യക്തികളെ അവഹേളിക്കുന്നത് നിലവിലെ സർവ്വീസ് ചട്ടങ്ങൾക്ക് വിരുദ്ധമാണ്. ഡ്രൈവറുടെ ഭാഗത്തുനിന്നുണ്ടായത് ഗുരുതരമായ വീഴ്ചയും അച്ചടക്കലംഘനവുമാണെന്ന് അധികൃതർ വിലയിരുത്തി.

1960-ലെ കേരള സിവിൽ സർവ്വീസ് ചട്ടങ്ങളിലെ പത്താം ചട്ടപ്രകാരമാണ് സുനിൽകുമാറിനെതിരെ അടിയന്തര അച്ചടക്ക നടപടി സ്വീകരിച്ചത്. സസ്പെൻഷൻ ഉത്തരവ് കൈപ്പറ്റിയതിനെ തുടർന്ന് തന്റെ ഡ്യൂട്ടി പാസ്സും ഐഡി കാർഡും ഉടനടി ഓഫീസിൽ തിരികെ ഏൽപ്പിക്കാൻ അധികൃതർ സുനിൽകുമാറിനോട് നിർദ്ദേശിച്ചിട്ടുണ്ട്.

A KSRTC driver from the Nedumkandam unit, identified as S. Sunil Kumar, has been suspended for circulating a morphed image of Chief Minister vd satheeshan on Facebook.