പയ്യന്നൂര്‍: കവിയും അധ്യാപകനുമായ എ.സി ശ്രീഹരി അന്തരിച്ചു. 56 വയസായിരുന്നു. ഹൃദയാഘാതത്തെ തുടര്‍ന്നായിരുന്നു അന്ത്യം. പയ്യന്നൂര്‍ ആലപ്പടമ്പ് സ്വദേശിയാണ്. 

പയ്യന്നൂര്‍ കോളജിലെ ഇംഗ്ലിഷ് വിഭാഗം മേധാവിയായിരുന്ന ശ്രീഹരി മേയ് 30നാണ് ജോലിയില്‍ നിന്ന് വിരമിച്ചത്. സാംസ്‌കാരിക രംഗങ്ങളില്‍ സജീവ സാന്നിധ്യമായിരുന്നു. ശ്രീ ഹരിയുടെ കവിതകള്‍ സര്‍വകലാശാലകളില്‍ പഠിപ്പിക്കുന്നുണ്ട്. 

എന്‍.എന്‍. കക്കാട് അവാര്‍ഡ്, വി.ടി. കുമാരന്‍ അവാര്‍ഡ്, വൈലോപ്പിള്ളി അവാര്‍ഡ് എന്നിവ ലഭിച്ചിട്ടുണ്ട്. 

ഭാര്യ: കെ.സംഗീത (പിലാത്തറ കോ. ഓപ്പറേറ്റീവ് കോളജ് അധ്യാപിക). മകന്‍: എ.സി.ശ്രീഹര്‍ഷന്‍.  

മൃതദേഹം പയ്യന്നൂര്‍ പ്രിയദര്‍ശിനി ഹോസ്പിറ്റലില്‍. സംസ്‌കാരം പിന്നീട് നടക്കും.