തിരുവനന്തപുരം: ഷിഗല്ല രോഗം തടയാന്‍ പ്രതിരോധ നടപടികള്‍ ആരംഭിച്ചതായി ആരോഗ്യ മന്ത്രി കെ. മുരളീധരന്‍. 
ഹോട്ടലുകളില്‍ പരിശോധന കര്‍ശനമാക്കാന്‍ നിര്‍ദേശം നല്‍കിയിട്ടുണ്ട്.  വൃത്തിഹീനമായ തട്ടുകടകളെ പ്രവര്‍ത്തിക്കാന്‍ അനുവദിക്കില്ല. ഭക്ഷ്യ സുരക്ഷാ വകുപ്പ് പരിശോധന ശക്തമാക്കുമെന്നും മന്ത്രി അറിയിച്ചു. 

കോഴിക്കോട്ട് നാല് വയസുള്ള കുട്ടി മരിച്ചിട്ടുണ്ട്. മൂന്ന് കുട്ടികളെയാണ് ആശുപത്രിയില്‍ പ്രവേശിപ്പിച്ചത്. ഇതുവരെ നൂറില്‍ ഏറെ പേര്‍ക്ക് ഷിഗല്ല ബാധിച്ചതായും കുടലിനെയാണ് രോഗം ബാധിക്കുന്നതെന്നും അദ്ദേഹം പറഞ്ഞു.

ALSO READ: കുടുംബശ്രീയുടെ ആദിവാസി ഫണ്ടുകളില്‍ തിരിമറി; വയനാട്ടില്‍ സിപിഎം നേതാവ് ഉള്‍പ്പെടെ മൂന്ന് ജീവനക്കാരെ പിരിച്ചുവിട്ടു 

ഷിഗല്ല രോഗം ബാധിച്ച വ്യക്തി ആഹാരം പാചകം ചെയ്താലും പ്രശ്‌നമാണെന്നും അദ്ദേഹം ചൂണ്ടിക്കാട്ടി. ശുചിത്വം പാലിക്കുകയാണ് പ്രധാന പോംവഴി. കോഴിക്കോട് പലഭാഗത്തും രോഗലക്ഷണങ്ങള്‍ കാണുന്നുണ്ട് എന്നാണ് റിപ്പോര്‍ട്ട്. ചില വ്യാജവാര്‍ത്തകള്‍ വരുന്നുണ്ടെന്നും മന്ത്രി കൂട്ടിച്ചേര്‍ത്തു. 

അതേസമയം, വയനാട് ഒരു വിദ്യാലയത്തിലെ 164 കുട്ടികള്‍ക്ക് വയറിളക്കവും ഛര്‍ദി ഉണ്ടായതില്‍ ഇതുമായി ബന്ധമില്ലെന്നും അദ്ദേഹം പറഞ്ഞു. വിദ്യാലയത്തിലെ കിണര്‍ വെള്ളത്തിന്റെ പരിശോധന ഫലം വന്നിട്ടില്ല. കുഴല്‍ കിണര്‍ വെള്ളം പരിശോധിച്ച റിപ്പോര്‍ട്ട് വന്നു. വിദ്യാലയങ്ങളിലെ ശുചിത്വം ഉറപ്പാക്കണമെന്നും അദ്ദേഹം കൂട്ടിച്ചേര്‍ത്തു.

kerala has intensified preventive measures against shigella after a four-year-old child died in kozhikode. health authorities have ordered stricter food safety inspections and urged the public to maintain hygiene.