ദുബൈ: ദുബൈ എമിറേറ്റ്‌സ് റോഡിലുണ്ടായ ദാരുണമായ വാഹനാപകടത്തിൽ ഇരയായവരുടെ കുടുംബങ്ങൾക്ക് കൈത്താങ്ങുമായി പ്രവാസി വ്യവസായിയും ബുർജീൽ ഹോൾഡിങ്സ് ചെയർമാനുമായ ഡോ. ഷംഷീർ വയലിൽ. അപകടത്തിൽ മരണപ്പെട്ടവരുടെയും പരിക്കേറ്റവരുടെയും കുടുംബങ്ങൾക്കായി ഒരു മില്യൺ ദിർഹത്തിന്റെ (പത്തു ലക്ഷം ദിർഹം) അടിയന്തര ദുരിതാശ്വാസ പാക്കേജാണ് അദ്ദേഹം പ്രഖ്യാപിച്ചത്.

അപകടത്തിൽപ്പെട്ട എല്ലാവരുടെയും കുടുംബങ്ങൾക്ക് ഈ സഹായം ലഭ്യമാക്കുമെന്ന് അദ്ദേഹത്തിന്റെ ഓഫീസ് അറിയിച്ചു.

സഹായധനത്തിന്റെ വിഭജനം ഇങ്ങനെ:

* മരണപ്പെട്ടവരുടെ കുടുംബങ്ങൾക്ക്: അപകടത്തിൽ ജീവൻ നഷ്ടപ്പെട്ട ഏഴുപേരുടെ കുടുംബങ്ങൾക്ക് 1,000,000 ദിർഹം വീതം (ആകെ 7 ലക്ഷം ദിർഹം) ധനസഹായം നൽകും.

* പരിക്കേറ്റവർക്ക്: പരിക്കേറ്റ് ചികിത്സയിൽ കഴിയുന്ന ഒൻപത് പേരുടെ ചികിത്സാ-പുനരധിവാസ ആവശ്യങ്ങൾക്കായി ആകെ 1,80,000 ദിർഹം അനുവദിച്ചു.

* അടിയന്തര ആവശ്യങ്ങൾക്ക്: ഇരകളുടെ കുടുംബാംഗങ്ങളുടെ അടിയന്തര യാത്ര, താമസം എന്നിവയ്ക്കായി 70,000 ദിർഹവും മാറ്റിവെച്ചിട്ടുണ്ട്.

* വിദ്യാഭ്യാസ സഹായം: അപകടം ബാധിച്ച കുടുംബങ്ങളിലെ കുട്ടികളുടെ പഠനച്ചെലവുകൾക്കായി 50,000 ദിർഹവും ഈ പാക്കേജിലൂടെ നൽകും.

English summary : Dr Shamsheer Vayalil, an Abu Dhabi-based entrepreneur, philanthropist, and Chairman and CEO of Burjeel Holdings, has announced a Dh1 million humanitarian recovery programme for the families of those killed and injured in the tragic road accident on Dubai’s Emirates Road.