റിയാദ്: ഈ വർഷത്തിന്റെ ആദ്യ പാദത്തിൽ സഊദിയുടെ നോമിനൽ ജി.ഡി.പിയിൽ മുൻവർഷത്തെ അപേക്ഷിച്ച് രേഖപ്പെടുത്തിയത് 6.3 ശതമാനത്തിന്റെ വർധനവ്. ഇതോടെ രാജ്യത്തിന്റെ മൊത്തം ആഭ്യന്തര ഉത്പാദനം 1.274 ലക്ഷം കോടി സഊദി റിയാലായി ഉയർന്നു. ഈ വളർച്ചയിൽ ഏറ്റവും കൂടുതൽ സഹായിച്ചത് എണ്ണ അനുബന്ധ മേഖലകളിലുണ്ടായ വളർച്ചയാണ്. 12.3 ശതമാനത്തിന്റെ വൻ മുന്നേറ്റമാണ് ഉണ്ടായത്. റിയൽ ജി.ഡി.പിയിൽ മുൻവർഷത്തെ ഇതേ കാലയളവിനെ അപേക്ഷിച്ച് 3 ശതമാനം വളർച്ചയാണ് ഒന്നാം പാദത്തിൽ ഉണ്ടായത്. രാജ്യത്തെ പണപ്പെരുപ്പ നിരക്ക് നിയന്ത്രണവിധേയമാണെന്നും കണക്കുകൾ സൂചിപ്പിക്കുന്നു.

ALSO READ: അമേരിക്കയോടുള്ള വിയോജിപ്പുകൾക്കിടെ റഷ്യയുമായി കൈകോർത്ത് സഊദി; 480 കോടി റിയാലിന്റെ കരാറുകളിൽ ഒപ്പുവെച്ചു

ഇതിൽ ഏറ്റവും പ്രധാനം ഉപഭോക്തൃ വില സൂചിക 1.7 ശതമാനത്തിൽ മാറ്റമില്ലാതെ തുടർന്നു എന്നതാണ്. വീട്ടുവാടക, ജലം, വൈദ്യുതി, ഗ്യാസ്, മറ്റ് ഇന്ധനങ്ങൾ എന്നിവയിൽ  3.8 ശതമാനം വർധനവും ഗതാഗതം, റെസ്റ്റോറന്റ്, താമസം എന്നിവയിൽ 1 ശതമാനം വർധനവുമാണ് ഉണ്ടായത്. തൊഴിലില്ലായ്മ നിരക്കിൽ വൻ കുറവാണ് രേഖപ്പെടുത്തിയിരിക്കുന്നത്. 2025ന്റെ മൂന്നാം പാദത്തിൽ 7.5 ശതമാനമായിരുന്ന സ്വദേശി തൊഴിലില്ലായ്മ നിരക്ക് നാലാം പാദത്തിൽ 7.2 ശതമാനമായി കുറഞ്ഞു. കൂടാതെ ചെറുകിട സംരംഭങ്ങൾക്കുള്ള ധനസഹായത്തിലും രാജ്യം വളർച്ച കൈവരിച്ചു. രാജ്യത്തിന്റെ ഈ വളർച്ച ഞെട്ടിപ്പിക്കുന്ന തരത്തിലാണ്. 

Saudi Arabia's nominal GDP recorded a 6.3 percent year-on-year growth to reach SR1.274 trillion in Q1 2026, driven by a 12.3 percent surge in oil activities alongside a significant drop in citizen unemployment.